ନୂଆଦିଲ୍ଲୀ: ଅପରେସନ ସିନ୍ଦୂର ପରେ ବିଶ୍ୱ କୂଟନୈତିକ ଯୋଗାଯୋଗ ପାଇଁ ଭାରତ ତା’ର ୭ଟି ଟିମ୍‌ ଘୋଷଣା କରିବାର କିଛି ଘଣ୍ଟା ପରେ ପାକିସ୍ତାନ ପିପୁଲ୍ସ ପାର୍ଟି (ପିପିପି) ଅଧ୍ୟକ୍ଷ ତଥା ପୂର୍ବତନ ବୈଦେଶିକ ମନ୍ତ୍ରୀ ବିଲାୱଲ ଭୁଟ୍ଟୋ-ଜର୍ଦାରୀଙ୍କୁ ପାକିସ୍ତାନ ନିଜର ଅନ୍ତର୍ଜାତୀୟ ଶାନ୍ତି ମିସନର ନେତୃତ୍ୱ ନେବା ପାଇଁ ନିଯୁକ୍ତ କରିଛି।

Advertisment

ମିସନର ନେତୃତ୍ୱ ନେବେ ବିଲାୱଲ ଭୁଟ୍ଟୋ

ଶନିବାର ଭାରତର ସଂସଦୀୟ ବ୍ୟାପାର ମନ୍ତ୍ରଣାଳୟ ଘୋଷଣା କରିଛି ଯେ କଂଗ୍ରେସ ସାଂସଦ ଶଶୀ ଥରୁର ଓ ଏନ୍‌ସିପି ସାଂସଦ ସୁପ୍ରିୟା ସୁଲେଙ୍କ ସମେତ ବରିଷ୍ଠ ରାଜନୈତିକ ନେତାମାନେ ଅପରେସନ ସିନ୍ଦୂର ଉପରେ ଭାରତର ଆଭିମୁଖ୍ୟ ବିଷୟରେ ପ୍ରମୁଖ ବିଦେଶୀ ସରକାରମାନଙ୍କୁ ଅବଗତ କରାଇବା ପାଇଁ ସାତଟି ସର୍ବଦଳୀୟ ପ୍ରତିନିଧି ଦଳର ନେତୃତ୍ୱ ନେବେ। ଏହାର ଜବାବରେ ପାକିସ୍ତାନ ପ୍ରଧାନମନ୍ତ୍ରୀ ଶେହବାଜ ସରିଫ୍ ପାକିସ୍ତାନର ଆଭିମୁଖ୍ୟ ଉପସ୍ଥାପନ କରିବା ପାଇଁ ବିଲାୱଲ ଭୁଟ୍ଟୋ-ଜର୍ଦାରୀଙ୍କୁ ନିଯୁକ୍ତ କରିଛନ୍ତି। ବିଲାଵଲ ଏକ୍ସ ପୋଷ୍ଟ ଜରିଆରେ ଏହି ସୂଚନା ଦେଇଛନ୍ତି। ବିଲାୱଲଙ୍କ ନେତୃତ୍ୱରେ ପାକିସ୍ତାନ ଯେଉଁ କମିଟି ଗଠନ କରିଛି, ସେଥିରେ ପୂର୍ବତନ ମନ୍ତ୍ରୀ କେ ଦସ୍ତଗିର ଖାନ୍ ଓ ହିନା ରବ୍ବାନୀଙ୍କ ସହ ପୂର୍ବତନ ବୈଦେଶିକ ସଚିବ ଜଲିଲ ଅବ୍ବାସ ଜିଲାନି ମଧ୍ୟ ସାମିଲ ଅଛନ୍ତି।