ଋଣ ଯନ୍ତାରେ ପାକିସ୍ତାନ, ଋଣ ପାଇଁ ଆମେରିକା ନିକଟରେ ନେହୁରା ହେଉଛି
ଇସ୍ଲାମାବାଦ : ପାକିସ୍ତାନ ଏବେ ଘୋର ଆର୍ଥିକ ସଂକଟ ଦେଇ ଗତି କରୁଛି । ଏହାର ବୈଦେଶିକ ମୁଦ୍ରା ଭଣ୍ଡାରରେ ମାତ୍ର ୮ ବିଲିୟନ ଡଲାର ରହିଛି,ଯାହାକି ମାତ୍ର ୩୦ ଦିନ ଚଳିବା ପାଇଁ ଉଦ୍ଦିଷ୍ଟ । ଏ ପରିପ୍ରେକ୍ଷୀରେ ଅନ୍ତର୍ଜାତୀୟ ମୁଦ୍ରାପାଣ୍ଠି (ଆଇଏମଏଫ) ଠାରୁ ଋଣ ଆଣିବା ଛଡା ପାକିସ୍ତାନ ପାଖରେ ଆଉ କିଛି ଉପାୟ ନାହିଁ । ଏଥିପାଇଁ ପାକିସ୍ତାନ ସରକାରୀଭାବେ ଆଇଏମଏଫ ନିକଟରେ ଆବେଦନ ମଧ୍ୟ କରିସାରିଛି । କିନ୍ତୁ ଆଇଏମଏଫରୁ ଋଣ ପାଇବା ସେତେଟା ସହଜ ନୁହେଁ । କାରଣ ଆଇଏମଏଫରେ ଆମେରିକାର ଆଧିପତ୍ୟ ରହିଛି । ଆମେରିକା ନ ଚାହିଁବା ପର୍ଯ୍ୟନ୍ତ ଋଣ ମିଳିବା ସମ୍ଭବ ନୁହେଁ । ଋଣ ଦେବାପାଇଁ ଆମେରିକା କଡା ସର୍ତ୍ତ ଆରୋପ କରିପାରେ ।
Sambad is now on WhatsApp
Join and get latest news updates delivered to you via WhatsApp
ପାକିସ୍ତାନି ଖବରକାଗଜ ‘ଡନ’ରେ ପ୍ରକାଶିତ ଏକ ରିପୋର୍ଟ ଅନୁସାରେ ଋଣ ମଂଜୁର କରିବାପୂର୍ବରୁ ଚୀନଠାରୁ ପାକିସ୍ତାନ କେତେ ଋଣ ଆଣିଛି ତାହା ଜାଣିବାକୁ ଚାହିଁଛିି ଆମେରିକା । ଚୀନଠାରୁ ଆହୁରି ଅଧିକ ଋଣ ନ ଆଣିବା ପାଇଁ ପାକିସ୍ତାନକୁ ସତର୍କ କରିଦେଇଛି ଆଇଏମଏଫ । ଆହୁରି ମଧ୍ୟ ଋଣ ଦେବା ପାଇଁ ଆମେରିକା କେତେକ କଡା ସର୍ତ୍ତ ଆରୋପ କରିପାରେ । ଯେପରିିକି ଚୀନର ବେଲ୍ଟରୋଡ ପ୍ରକଳ୍ପକୁ ସଂକୁଚିତ କରିବା, ଆତଙ୍କବାଦ ଉପରେ ଲଗାମ, ଆଇଏସଆଇର କାର୍ଯ୍ୟକଳାପ ଉପରେ ନିୟନ୍ତ୍ରଣ,ସେନାର ପ୍ରଭାବ ହ୍ରାସ କରିଛି । ଭାରତ ଏହି ସୁଯୋଗରେ ଆମେରିକା ଉପରେ ପ୍ରଭାବ ପକାଇ ପାକିସ୍ତାନ ଉପରେ ଚାପ ପ୍ରୟୋଗ କରିବା ଉଚିତ ବୋଲି ବିଶେଷଜ୍ଞମାନେ ମତ ଦେଇଛନ୍ତି ।