ପାକିସ୍ତାନରେ ୫୦ ପ୍ରତିଶତଙ୍କୁ ଦି ଓଳି ଖାଦ୍ୟ ବି ମିଳୁନି: ସର୍ଭେ
ଇସଲାମାବାଦ: ପାକିସ୍ତାନରେ ଅଧାରୁ ଅଧିକ ପରିବାର ଗରିବ ହୋଇଥିବା କାରଣରୁ ଦି ଓଳି ଖାଦ୍ୟ ବି ଖାଇପାରୁନାହାଁନ୍ତି | ଯାହାଫଳରେ ବହୁ ସଂଖ୍ୟାରେ ପିଲା କୁପୋଷଣର ଶିକାର ହେଉଛନ୍ତି | ଏକ ମିଡ଼ିଆ ପକ୍ଷରୁ କରାଯାଇଥିବା ଅନୁସନ୍ଧାନରୁ ଜଣାପଡିଛି ଯେ ପାକିସ୍ତାନର ଅଧାରୁ ଅଧିକ ଲୋକ ଏତେ ଗରିବ ଯେ ଦିନକୁ ଦୁଇଥର ଭଲରେ ଖାଦ୍ୟ ଖାଇପାରୁନାହାଁନ୍ତି | ଯାହାଫଳରେ ପାକିସ୍ତାନର ୪୦.୨ ପ୍ରତିଶତ ପିଲା ଏବେ କୁପୋଷଣ ଓ ଅପପୃଷ୍ଟିର ଶିକାର ହୋଇପଡିଛନ୍ତି |
Sambad is now on WhatsApp
Join and get latest news updates delivered to you via WhatsApp
ପାକିସ୍ତାନ ପିଡିଆଟ୍ରିକ ଆସୋସିଏସନର ସେକ୍ରେଟାରୀ ଜେନେରାଲ ଡାକ୍ତର ଖାଲୀଦ ଖଫି କହିଛନ୍ତି ଯେ ଖୁବ ଶୀଘ୍ର ପାକିସ୍ତାନ ସରକାର ଏକ ବିଲ ଆଣିବାକୁ ଯାଉଛନ୍ତି | ଯାହା ଦ୍ୱାରା କୁପୋଷଣର ଶିକାର ହୋଇଥିବା ପିଲାମାନଙ୍କର ପରିବାରକୁ ଅଟା ଓ ଘିଅ ଭଳି ପୋଷଣଯୁକ୍ତ ଖାଦ୍ୟ ମିଳିପାରିବ | ଏହି ସର୍ଭେରେ ୧ ଲକ୍ଷ ୧୫ ହଜାର ପରିବାରର ୧ ଲକ୍ଷ ୪୫ ଜଣ ମହିଳା ଓ ୭୬ ହଜାର ପାଞ୍ଚ ବର୍ଷରୁ କମ ଶିଶୁଙ୍କୁ ସାମିଲ କରାଯାଇଥିଲା |
ଏଠାରେ ସୂଚନା ଥାଉ କି ପାକିସ୍ତାନରେ ନୂଆ ସରକାର ଗଠନ ହେବା ପରେ ମଧ୍ୟ ଦ୍ରବ୍ୟ ଦରବୃଦ୍ଧି ଓ ଗରିବ ସମସ୍ୟାର ସମାଧାନ ହୋଇପାରିନାହିଁ | ଯାହାଫଳରେ ପୋଷଣଯୁକ୍ତ ଖାଦ୍ୟ ସହ ନିତ୍ୟ ବ୍ୟବହାର୍ଯ୍ୟ ସାମଗ୍ରୀ କିଣିବା କଷ୍ଟକର ହୋଇପଡୁଛି |