ପୁଣି ଥରେ ଅସ୍ତ୍ରବିରତି ଉଲ୍ଲଂଘନ କଲା ପାକିସ୍ତାନ: ଗୁଳି ବିନିମୟରେ ୩ ଯବାନ ସହିଦ, ୩ ସାଧାରଣ ନାଗରିକଙ୍କ ମୃତ୍ୟୁ

ନୂଆଦିଲ୍ଲୀ: ଆଜି ପାକିସ୍ତାନ ସୀମାରେ ପୁଣି ଥରେ ଅସ୍ତ୍ରବିରତି ଉଲ୍ଲଂଘନ କରିଛି। ଉତ୍ତର କାଶ୍ମୀରର ନିୟନ୍ତ୍ରଣ ରେଖା ନିକଟରେ ଥିବା ତିନୋଟି ସେକ୍ଟରରେ ପାକିସ୍ତାନ ଅସ୍ତ୍ରବିରତି ନିୟମ ଉଲ୍ଲଂଘନ କରିଛି। ପାକିସ୍ତାନ ଅସ୍ତ୍ରବିରତି ନିୟମ ଉଲ୍ଲଂଘନରେ ଭାରତୀୟ ସେନାର ତିନିଜଣ ଯବାନ ସହିଦ ହୋଇଛନ୍ତି। ୩ଜଣଙ୍କ ମଧ୍ୟ‌ରେ ଜଣେ ବିଏସଏଫ ଏସଆଇ ଏବଂ ଦୁଇ ଜଣ ଯବାନ ଅଛନ୍ତି। ଏଥିସହ ହୋଇଥିବା ଗୁଳି ବିନିମୟରେ ତିନିଜଣ ସାଧାରଣ ନାଗରିକ ମଧ୍ୟ ପ୍ରାଣ ହରାଇଛନ୍ତି।

କୁହାଯାଉଛି ଯେ ପାକିସ୍ତାନ ଦ୍ୱାରା ହୋଇଥିବା ଅସ୍ତ୍ରବିରତି ଉଲ୍ଲଂଘନରେ ସମୁଦାୟ ତିନି ଯବାନ ପ୍ରାଣ ହରାଇଛନ୍ତି। ପ୍ରଥମେ ବିଏସଏଫ ଏସଆଇ ରାକେଶ ଡୋଭାଲ ସହିଦ ହୋଇଥିଲେ, ଏହା ପରେ ଗୁଳି ବିନିମୟରେ ଅନ୍ୟ ଦୁଇଜଣ ସେନା ଯବାନ ମଧ୍ୟ ସହିଦ ହୋଇଥିଲେ। ଏହା ସହ ତିନିଜଣ ସାଧାରଣ ନାଗରିକଙ୍କ ମୃତ୍ୟୁ ହୋଇଥିବା ବେଳେ ଅନ୍ୟ ଜଣଙ୍କ ଅବସ୍ଥା ଗୁରୁତର ଥିବା କୁହାଯାଉଛି।

Ceasefire Violations: Pakistan Fires at LoC in J&K
India.com

 

ସୂଚନା ମୁତାବକ, ବାରାମୁଲ୍ଲା ଜିଲ୍ଲାର ହାଜିପିର ଅଞ୍ଚଳରେ ପାକିସ୍ତାନ ପକ୍ଷରୁ ଗୁଳି ଚାଳନା ଆରମ୍ଭ ହୋଇଥିଲା। ଏହା ବ୍ୟତୀତ ପାକିସ୍ତାନ ମଧ୍ୟ ତଙ୍ଗଧର ସେକ୍ଟର ଏବଂ ଗୁରେଜ ସେକ୍ଟରରେ ଅସ୍ତ୍ରବିରତି ଉଲ୍ଲଂଘନ କରିଥିଲା। ଏହି ସମୟରେ ପାକିସ୍ତାନୀ ସେନା ଗୁଳି ବର୍ଷା କରି ମୋର୍ଟାର ବୋମା ଫିଙ୍ଗିଥିଲା। ଏହାର ଜବାବ ଦେବାକୁ ଯାଇ ଭାରତୀୟ ସେନା ଯବାନ ଆକ୍ରମଣ କରିବା ଆରମ୍ଭ କରିଥିଲେ। ପରେ ପାକିସ୍ତାନ ସହ ଗୁଳି ବିନିମୟରେ ୩ଯବାନଙ୍କ ସମେତ ୩ଜଣ ସାଧାରଣ ନାଗରିକଙ୍କ ମୃତ୍ୟୁ ଘଟିଛି। ଏହା ସହ ସୀମା ନିକଟରେ ଥିବା ଏକ ଘର ନଷ୍ଟ ହୋଇଥିବାବେଳେ ଜଣେ ମହିଳା ମଧ୍ୟ ଆହତ ହୋଇଛନ୍ତି।

ପାକିସ୍ତାନ ଦ୍ୱାରା ଗୁଳି ବିନିମୟ ପରେ ସୀମାନ୍ତ ଗ୍ରାମରେ ରହୁଥିବା ଲୋକଙ୍କୁ ସୁରକ୍ଷିତ ସ୍ଥାନକୁ ନିଆଯାଇଛି। ଗୁରେଜ, ତଙ୍ଗଧରରୁ କିଛି ଲୋକଙ୍କୁ ମଧ୍ୟ  ହଟାଇ ଦିଆଯାଇଛି। ସବୁଠାରୁ ବଡ଼ କଥା ହେଲା ନିକଟରେ ଭାରତୀୟ ସେନା ପାକିସ୍ତାନର ଏକ ବଡ଼ ଷଡ଼ଯନ୍ତ୍ରକୁ ବିଫଳ କରିଥିଲା। ୭-୮ ନଭେମ୍ବର ରାତିରେ କିଛି ଅନୁପ୍ରବେଶକାରୀ ମାଛିଲ ସେକ୍ଟରରେ ପାକିସ୍ତାନ ପାର୍ଶ୍ୱରୁ ଭାରତକୁ ଆସିବାକୁ ଚେଷ୍ଟା କରୁଥିଲେ, ଭାରତୀୟ ସେନା ଏହି ଉଦ୍ୟମକୁ ବିଫଳ କରି ତିନି ଆତଙ୍କବାଦୀଙ୍କୁ ନିହତ କରିଥିଲା।

ସମ୍ବନ୍ଧିତ ଖବର

Comments are closed.