ପାକିସ୍ତାନ ଆକାଶରେ ଉଡିବନି ମୋଦୀଙ୍କ ବିମାନ
ନୂଆଦିଲ୍ଲୀ: ଭାରତ ସହ ସମ୍ପର୍କ ସୁଧାରିବାକୁ ପ୍ରୟାସ କରିବାର ବାହାନା ଦେଖାଉଥିବା ପାକିସ୍ତାନ ଆଜି ପୁଣି ଏକ ବିବାଦ ସୃଷ୍ଟି କରିଛି | ପାକିସ୍ତାନ ଦାବି କରିଛି ଯେ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସାଉଦି ଆରବ ଯିବା ପାଇଁ ପାକିସ୍ତାନ ଏୟାରସ୍ପେସର ବ୍ୟବହାର ପାଇଁ ଅନୁମତି ମାଗିଥିଲେ | ଯାହାକୁ ଖାରଜ କରିଦିଆଯାଇଛି | ପାକିସ୍ତାନର ବିଦେଶ ମନ୍ତ୍ରୀ ସାହ ମହମ୍ମଦ କୁରେସି କହିଛନ୍ତି ଯେ ପାକିସ୍ତାନ ଭାରତର ଅନୁରୋଧକୁ ମଂଜୁର କରିନାହିଁ |
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ମୁତାବକ ମୋଦୀଙ୍କ ବିମାନ ପାଇଁ ଅକ୍ଟୋବର ୨୮ ତାରିଖରେ ପାକିସ୍ତାନ ଆକାଶ ବ୍ୟବହାର ପାଇଁ ଅନୁମତି ମଗାଯାଇଥିଲା | ଅକ୍ଟୋବର ୨୯ ତାରିଖରେ ହେବାକୁ ଥିବା ଏକ ସମ୍ମିଳନୀ ପାଇଁ ମୋଦୀ ସାଉଦି ଆରବ ଯାଇଥାନ୍ତେ |
ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନ ମଧ୍ୟ ଅକ୍ଟୋବର ୨୮ ତାରିଖରେ ସାଉଦି ଆରବ ଯିବେ | ପାକିସ୍ତାନୀ ଗଣମାଧ୍ୟମ ପକ୍ଷରୁ ପ୍ରଦର୍ଶିତ ରିପୋର୍ଟରେ କୁହାଯାଇଛି ଯେ ଜମ୍ମୁକାଶ୍ମୀରରେ ମାନବାଧିକାର ଉଲ୍ଲଙ୍ଘନ ହୋଇଥିବାର ଦର୍ଶାଇ ପାକିସ୍ତାନ ପକ୍ଷରୁ ଏଭଳି ନିଷ୍ପତ୍ତି ନିଆଯାଇଛି |