ନୂଆଦିଲ୍ଲୀ: ଆତଙ୍କବାଦୀଙ୍କୁ ପାଣ୍ଠି ଯୋଗାଣ ଓ ବେଆଇନ୍‌ ଅର୍ଥ ଉପାର୍ଜ୍ଜନକୁ ପ୍ରତିରୋଧ କରିବା ନିମନ୍ତେ ଆକ୍ସନ୍‌ ପ୍ଲାନ୍‌ ଶେଷ କରିବାକୁ ପାକିସ୍ତାନକୁ ଅକ୍ଟୋବର ମାସ ଯାଏଁ ‘ଫାଇନାନ୍‌ସିଆଲ୍‌ ଆକ୍‌ସନ୍‌ ଟାସ୍କ୍‌ ଫୋର୍ସ’ (ଏଫ୍‌ଏଟିଏଫ୍‌) ସମୟ ଦେଇଛି। ଏଥିରେ ବିଫଳ ହେଲେ ପାକିସ୍ତାନକୁ କଳାତାଲିକାଭୁକ୍ତ କରାଯିବାର ସମ୍ଭାବନା ଅଛି। ଏବେ ପାକିସ୍ତାନକୁ ‘ଗ୍ରେ ଲିଷ୍ଟ୍‍’ରେ ରହିବ।

Advertisment

ଫ୍ଲୋରିଡାର ଅର୍ଲାଣ୍ଡୋ ଠାରେ ପ୍ଲେନେରି ମିଟିଙ୍ଗ୍‌ ପରେ ଏକ ବିବୃତିରେ ଏଫ୍‌ଏଟିଏଫ୍‌ ଚିନ୍ତା ପ୍ରକଟ କରିଛି ଯେ କେବଳ ଯେ ପାକିସ୍ତାନ ଜାନୁଆରି ସୁଦ୍ଧା ଆକ୍‌ସନ୍‌ ପ୍ଲାନ୍‌ ପୂର୍ଣ୍ଣ କରିବାରେ ବିଫଳନ ହୋଇଛି, ତାହା ନୁହେଁ; ୨୦୧୯ ମେସ ସୁଦ୍ଧା ସାରିବାକୁ ଥିବା ଆକ୍‌ସନ୍‌ ପ୍ଲାନ୍‌ ଆଇଟମ୍‌ଗୁଡ଼ିକ ସାରିବାରେ ବି ବିଫଳ ହୋଇଛି।

publive-image Image Source: India Today

୨୦୧୯ ଅକ୍ଟୋବର ସୁଦ୍ଧା ତୁରନ୍ତ ତା’ର ଆକ୍‌ସନ୍‌ ପ୍ଲାନ୍‌ ଶେଷ କରୁ ବୋଲି ଯୋର୍‌ ଦେଇ ‘ଏଫ୍‌ଏଟିଏଫ୍‌’ ପାକିସ୍ତାନକୁ କହିଛି। ଅକ୍ଟୋବର ମାସରେ ହିଁ ଆକ୍‌ସନ୍‌ ପ୍ଲାନ୍‌ର ଶେଷ ପର୍ଯ୍ୟାୟ ସରୁଛି। ଏଥିରେ ବିଫଳ ହେଲେ ‘ଏଫ୍‌ଏଟିଏଫ୍‌’ ପରବର୍ତ୍ତୀ ପଦକ୍ଷେପ ଗ୍ରହଣ କରିବ।

‘ଗ୍ରେ ଲିଷ୍ଟ୍‍’ରୁ ମୁକ୍ତ ହେବାକୁ ଅକ୍ଟୋବାର ମାସରେ ପ୍ୟାରିସ୍‌ ଠାରେ ହେବାକୁ ଥିବା ପ୍ଲେନାରି ବୈଠକରେ ପାକିସ୍ତାନ ୧୫ଟି ଦେଶର ସମର୍ଥନ ଦରକାର କରିବ।