ନୂଆଦିଲ୍ଲୀ: ଲଣ୍ଡନକୁ ଧମକ ଦେଲା ପାକିସ୍ତାନ । ଭାରତୀୟଙ୍କ ବେକ କାଟିଦେବାକୁ ଖୁଲମଖୁଲା ଧମକ ଦେଲେ ପାକିସ୍ତାନ ଦୂତାବାସ ଅଧିକାରୀ । ଯେତେବେଳେ ପହଲଗାମ୍ ଆତଙ୍କୀ ହମଲାକୁ ନେଇ ବିଶ୍ବବ୍ୟାପୀ ନିନ୍ଦା କରାଯାଉଛି ଏବଂ ଚାରିଆଡେ ତୀବ୍ର ପ୍ରତିକ୍ରିୟା ପ୍ରକାଶ ପାଉଛି ଠିକ୍ ସେତେବେଳେ ଲଣ୍ଡନରେ ଥିବା ପାକ୍ ଦୂତାବାସ ଆଗରେ ଆତଙ୍କବାଦ ବିରୋଧରେ ପ୍ରତିବାଦ ପ୍ରଦର୍ଶନ କରିଥିଲେ ଲଣ୍ଡନରେ ରହୁଥିବା ଭାରତୀୟମାନେ । ପ୍ରାୟ ୫୦୦ରୁ ଅଧିକ ପ୍ରବାସୀ ଭାରତୀୟ ଏହି ପ୍ରଦିବାଦରେ ସାମିଲ ହୋଇ ଆତଙ୍କବାଦ ଏବଂ ଆତଙ୍କୀଙ୍କୁ ପ୍ରଶୟ ଦେଉଥିବା ଦେଶ ପାକିସ୍ତାନ ବିରୋଧରେ ଗର୍ଜୁଥିବା ବେଳେ ଭାରତୀୟଙ୍କୁ ହତ୍ୟା ଧମକ ଦେଇଛନ୍ତି ପାକିସ୍ତାନ ଦୂତାବାସ ଅଧିକାରୀ ।

Advertisment

ତଳେ ବିରୋଧ ଚାଲିଥିବା ବେଳେ ଦୂତାବାସରେ ଥିବା ବାଲକୋନୀକୁ ଆସି ହାତରେ ୱିଙ୍ଗ କମାଣ୍ଡର ଅଭିନନ୍ଦନ ବର୍ଦ୍ଧମାନଙ୍କ ଫଟୋ ଧରି ଭାରତୀୟଙ୍କ ବେକ କାଟି ଦେବାକୁ ନିଜ ହାତରେ ଇସାରା କରିଥିଲେ । ଯାହାର ଏକ ଭିଡିଓ କ୍ୟାମେରାରେ କଏଦ ହୋଇ ସୋସିଆଲ ମିଡିଆରେ ଭାଇରାଲ ହେଉଛି ।

ଆତଙ୍କବାଦ ବିରୋଧରେ ଭାରତ ଯେତେବେଳେ ବି ଆକ୍ସନ ନେଇଛି ସେତେବେଳେ ପାକିସ୍ତାନକୁ ବାଧିଛି । ଆଉ ସେ ସୀମା ସରହଦ ପାର କରି ବିଭିନ୍ନ ଅମାନୁଷିକ ବ୍ୟବହାର ଦେଖାଇଛି । ତେବେ ପାକିସ୍ତାନର ଗୋଟି ଗୋଟି ଭୁଲର ଜବାବ ଦିଆଯିବ ବୋଲି ଭାରତ ସରକାର କହିଛନ୍ତି ।