ପାକିସ୍ତାନ ଛୋଟକାଟିଆ ଦେଶ, ଏଇଟା ଯୁଦ୍ଧ ନୁହେଁ: କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ
ନୂଆଦିଲ୍ଲୀ: ପାକିସ୍ତାନକୁ ଏକ ଛୋଟକାଟିଆ ଦେଶ କହି ତା’ ଯୁଦ୍ଧ କରିବା ବିଚାରକୁ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଅଗ୍ରାହ୍ୟ କରିଛନ୍ତି।
ନିକଟରେ ପାକିସ୍ତାନ କରିଥିବା ସର୍ଜିକାଲ୍ ଷ୍ଟ୍ରାଇକ୍ ସମ୍ବନ୍ଧୀୟ ଏକ ପ୍ରଶ୍ନର ଉତ୍ତର ଦେଇ ମଙ୍ଗଳବାର ଦିନ ଜାତୀୟ ରାଜଧାନୀରେ ଅନୁଷ୍ଠିତ ଏକ ଗଣମାଧ୍ୟମ କାର୍ଯ୍ୟକ୍ରମରେ କେନ୍ଦ୍ର ମନ୍ତ୍ରୀ କହିଛନ୍ତି: ପାକିସ୍ତାନ ଗୋଟିଏ ଛୋଟକାଟିଆ ଦେଶ। ଏଇ ଘଟଣାକୁ ମୁଁ ଯୁଦ୍ଧର ସର୍ବନିମ୍ନ ସ୍ତର ବୋଲି ହିଁ ଭାବୁନାହିଁ।
Sambad is now on WhatsApp
Join and get latest news updates delivered to you via WhatsApp
ପ୍ରଧାନ କହିଲେ: ଡୋକ୍ଲାମ୍ ମାମଲା ସର୍ବୋଚ୍ଚସ୍ତରରେ ପହଞ୍ଚିଥିବା ବେଳେ ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜୀ ଜଗ୍ନୀପୁରାରେ ଯୋଗଦେଇଥିବା ଏକ କାର୍ଯ୍ୟକ୍ରମକୁ ମୁଁ ଯାଇଥିଲି। ସେଠାରେ ନୂଆକରି ସାମରିକ କ୍ୟାମ୍ପଟିଏ ତିଆରି ହୋଇଥାଏ। ସେଠାରେ ମୁଁ ଇଷ୍ଟର୍ଣ୍ଣ କମାଣ୍ଡ୍ର ମୁଖ୍ୟଙ୍କୁ ଭେଟିଲି। ଡୋକ୍ଲାମ୍ ସଂକ୍ରାନ୍ତରେ ଚିନ୍ତିତ ହୋଇ ମୁଁ ପଚାରିଲି, କ’ଣ ହେବ? ମନ୍ତ୍ରୀ ନୁହେଁ ଜଣେ ନାଗରିକ ହିସାବରେ ମୁଁ ଏ କଥା ପଚାରିଥିଲି।
ତାଙ୍କର ଉତ୍ତର ଥିଲା: ପାକିସ୍ତାନ ହେଉ କି, ଚୀନ କିଂବା ଅନ୍ୟ କୌଣସି ଦେଶ ହେଉ, ଏବେ ଭାରତର ସାମରିକ କ୍ଷମତା ସବୁଠୁ ଉଚ୍ଚରେ। ଆମ କ୍ଷମତାର ବ୍ୟାପ୍ତି କଳ୍ପନା କରି ହେବ ନାହିଁ। ତେଣୁ ମୁଁ ଏହାକୁ ଯୁଦ୍ଧର ସର୍ବନିମ୍ନ ସ୍ତର ବୋଲି ଭାବୁନାହିଁ। କିନ୍ତୁ, କେହି (ପାକିସ୍ତାନ) ଆମ ସହ ଅସଦାଚରଣ କଲେ, ତା’ର ଜବାବ ଦିଆଯିବ।
ୟୁଏଇ ଏବଂ ସାଉଦି ଆରବ ସହ ଭାରତର ସମ୍ପର୍କ ଏବଂ ଶକ୍ତି-ଉତ୍ପାଦନକାରୀ ରାଷ୍ଟ୍ରଗୁଡ଼ିକ ସହ ଭାରତ କେମିତି ଦୃଢ଼ ସମ୍ପର୍କ ବଜାୟ ରଖୁଛି ସେ କଥା ମଧ୍ୟ ପେଟ୍ରୋଲିୟମ୍ ଏବଂ ପ୍ରାକୃତିକ ବାଷ୍ପ ମନ୍ତ୍ରୀ କହିଥିଲେ।