ନୂଆଦିଲ୍ଲୀ : ନିକଟରେ ଚୀନ ନିଜର ବନ୍ଧୁରାଷ୍ଟ୍ର ପାକିସ୍ତାନ ପାଇଁ ଦୁଇଟି କ୍ରୁତ୍ରିମ ଉପଗ୍ରହ ମହାକାଶକୁ ଛାଡିଥିବା ଆପଣ ଜାଣିଥିବେ । ସାରା ବିଶ୍ୱରେ ଲୋକେ ଜାଣିଛନ୍ତି ଯେ ଚୀନରେ ଉପଗ୍ରହରେ ପାକିସ୍ତାନ ନିଜର ଷ୍ଟାମ୍ପ ମାରି ଛାଡିଛି । କିନ୍ତୁ ପାକିସ୍ତାନ ଲୋକେ ଭାବୁଛନ୍ତି ଯେ ତାଙ୍କ ଦେଶ ମହାକାଶ ଗବେଷଣା କ୍ଷେତ୍ରରେ ବହୁତ ଆଗେଇ ଯାଇଛି । ଏପରିକି ଭାରତକୁ ମଧ୍ୟ ପଛରେ ପକାଦେଇଛି ପାକିସ୍ତାନ । କିନ୍ତୁ ପାକିସ୍ତାନର ଏହି ଦାବିକୁ ନେଇ ସୋସିଆଲ ମିଡିଆରେ ବେଶ ହାସ୍ୟରୋଳ ଉଠିଛି ।
Sambad is now on WhatsApp
Join and get latest news updates delivered to you via WhatsApp
ରେଡିଓ ପାକିସ୍ତାନରେ ପ୍ରସାରିତ ଏକ କାର୍ଯ୍ୟକ୍ରମରେ ଯୋଗ ଦେଇ ପାକିସ୍ତାନର ଜଣେ ବିଶେଷଜ୍ଞ ରାଜା କାଇଜର କହିଛନ୍ତି ଯେ ଭୂ-ସ୍ଥିର ଉପଗ୍ରହ ଛାଡିବାରେ ପାକିସ୍ତାନ ବିଶ୍ୱର ହାତଗଣତି କେତେକ ଦେଶ ମଧ୍ୟର ସ୍ଥାନ ପାଇଛି । ଏହି ଦୁଇଟି ଉପଗ୍ରହ ପାକିସ୍ତାନ ନିଜସ୍ୱ ଜ୍ଞାନକୌଶଳରେ ନିର୍ମାଣ କରିଛି । ଏପରିକି ପାକିସ୍ତାନର ମହାକାଶ କାର୍ଯ୍ୟକ୍ରମ ଭାରତଠାରୁ ବେଶ ଆଗୁଆ ବୋଲି ସେ କହିଛନ୍ତି ।
ଚୀନ ପାକିସ୍ତାନ ପାଇଁ ଛାଡିଥିବା ଏହି ଦୁଇଟି ସାଟେଲାଇଟର ନାଁ ହେଉଛି ପିଆରଏସଏସ-୧ ଓ ପାକଟେସ-୧ଏ । ଏଗୁଡିକୁ ଚୀନର ଉତ୍ତର-ପଶ୍ଚିମରେ ଥିବା ଜିକୁଆନ ଉପଗ୍ରହ ପ୍ରକ୍ଷେପଣ କେନ୍ଦ୍ରରୁ ପଠାଯାଇଥିଲା । କୃଷି, ପାଣିପାଗ ଓ ଯୋଗାଯୋଗ ପାଇଁ ଏସବୁ ଉପଗ୍ରହ ବ୍ୟବହାର କରାଯିବ ବୋଲି କୁହାଯାଉଥିବାବେଳେ ଏହାର ଗୋପନ ଉଦ୍ଦେଶ୍ୟ ଭାରତ ଉପରେ ନଜର ରଖିବା ବୋଲି ସଂଦେହ କରାଯାଉଛି ।