ନୂଆଦିଲ୍ଲୀ: ଭାରତ ପାକିସ୍ତାନକୁ ଶକ୍ତ ଝଟକା ଦେଇଛି। ଏକ ମିଳିତ ଅପରେସନରେ, ସେନା, ବାୟୁସେନା ଏବଂ ନୌସେନା ପାକିସ୍ତାନ ଏବଂ ପିଓକେର ୯ଟି ସ୍ଥାନରେ ଏୟାର ଷ୍ଟ୍ର‌ାଇକ୍ କରିଛନ୍ତି। ମଙ୍ଗଳବାର-ବୁଧବାର ବିଳମ୍ବିତ ରାତିରେ କରାଯାଇଥିବା ଏହି ଅପରେସନରେ ୧୦୦ରୁ ଅଧିକ ଆତଙ୍କବାଦୀ ନିହତ ହୋଇଥିବା ଜଣାପଡ଼ିଛି।

Advertisment

ଭାରତର ଏହି କାର୍ଯ୍ୟାନୁଷ୍ଠାନ ପରେ ପାକିସ୍ତାନ ଭୟଭୀତ ହୋଇଯାଇଛି। ଏବେ ପାକିସ୍ତାନ ସାରା ବିଶ୍ୱ ସମ୍ମୁଖରେ ନିଜକୁ ଅପମାନିତ ମନେ କରୁଛି।

ପାକିସ୍ତାନ ଦାବି କରିଛି ଯେ, ପ୍ରତିଶୋଧ ସ୍ୱରୂପ ୧୫ଟି ଭାରତୀୟ ସ୍ଥାନରେ ଆକ୍ରମଣ କରାଯାଇଛି। ତେବେ ପାକିସ୍ତାନର ଏହି ଦାବି ଭିତ୍ତିହୀନ। ପାକିସ୍ତାନ କହିଛି,୧୫ଟି ସ୍ଥାନରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି, କିନ୍ତୁ ଭାରତର କେଉଁ ସ୍ଥାନଗୁଡ଼ିକ ତାହା ପାକିସ୍ତାନ ପ୍ରକାଶ କରିନାହିଁ।

ପାକିସ୍ତାନୀ ଅଧିକାରୀମାନେ ମିଥ୍ୟା ଦାବି କରିଛନ୍ତି ଯେ, ସେମାନେ ଭାରତୀୟ ବିମାନକୁ ଗୁଳି କରି ଖସାଇ ଦେଇଛନ୍ତି ଏବଂ କିଛି ସୈନିକଙ୍କୁ ବନ୍ଦୀ କରି ନେଇଛନ୍ତି। ପାକିସ୍ତାନର ସୂଚନା ମନ୍ତ୍ରୀ ଦାବି କରିଛନ୍ତି, କ୍ଷେପଣାସ୍ତ୍ର ଆକ୍ରମଣର ଜବାବରେ ପାକିସ୍ତାନ ଦୁଇଟି ଭାରତୀୟ ଯୁଦ୍ଧ ବିମାନକୁ ଖସାଇ ଦେଇଛି।

ପାକିସ୍ତାନର ପ୍ରତିରକ୍ଷା ମନ୍ତ୍ରୀ ଖ୍ବାଜା ଆସିଫ କହିଛନ୍ତି, ଆମେ ଅତି କମରେ ପାଞ୍ଚଟି ଭାରତୀୟ ବିମାନକୁ ଖସାଇ ଦେଇଛୁ। ଯଦି ଏହି ଶତ୍ରୁତାପୂର୍ଣ୍ଣ କାର୍ଯ୍ୟ ବନ୍ଦ ହେବ, ତେବେ ଆମେ ନିଶ୍ଚିତ ଭାବରେ ଭାରତ ସହିତ ଆପୋଷ ଆଲୋଚନା କରିବୁ।

ଆକ୍ରମଣରେ ହୋଇଥିବା କ୍ଷତି ବିଷୟରେ ପାକିସ୍ତାନ ମଧ୍ୟ ମିଛ କହୁଛି। ଭାରତର କାର୍ଯ୍ୟାନୁଷ୍ଠାନରେ ୧୦୦ ରୁ ଅଧିକ ଆତଙ୍କବାଦୀ ନିହତ ହୋଇଛନ୍ତି, କିନ୍ତୁ ପାକିସ୍ତାନ କହୁଛି ଯେ, ୨ ଜଣ ଶିଶୁଙ୍କ ସମେତ ୮ ଜଣ ସାଧାରଣ ନାଗରିକଙ୍କ ମୃତ୍ୟୁ ଘଟିଛି।

ଭାରତ ୯ଟି ସ୍ଥାନରେ ଆକ୍ରମଣ କରିଛି, କିନ୍ତୁ ପାକିସ୍ତାନ କହୁଛି ଯେ, ୬ଟି ସ୍ଥାନରେ ଆକ୍ରମଣ ହୋଇଛି। ପାକିସ୍ତାନର ପ୍ରତିରକ୍ଷା ମନ୍ତ୍ରୀ କହିଛନ୍ତି, ଆତଙ୍କବାଦୀ ଆଡ୍ଡା ଉପରେ କୌଣସି ଆକ୍ରମଣ ହୋଇନାହିଁ। ଏହି ଏୟାର ଷ୍ଟ୍ର‌ାଇକ୍  ଭାରତ ପକ୍ଷରୁ ଏକ ସାଧାରଣ ନାଗରିକ ବାସ କରୁଥିବା ଅଞ୍ଚଳରେ କରାଯାଇଛି।

ଅଧିକ ପଢ଼ନ୍ତୁ: ଅପରେସନ ସିନ୍ଦୂରକୁ ପ୍ରଶଂସା କଲା କଂଗ୍ରେସ

ଅନେକ ପାକିସ୍ତାନ ସମର୍ଥକ ହ୍ୟାଣ୍ଡେଲ ଦ୍ୱାରା ସେୟାର କରାଯାଇଥିବା ଏକ ଭିଡିଓରେ, ପାକିସ୍ତାନ ବାୟୁସେନା ଶ୍ରୀନଗର ଏୟାରବେସକୁ ଟାର୍ଗେଟ କରିଛି ବୋଲି ମିଥ୍ୟା ଦାବି କରାଯାଉଛି। ପିଆଇବିର ତଥ୍ୟ ଯାଞ୍ଚରୁ ଜଣାପଡିଛି, ସେୟାର କରାଯାଇଥିବା ଭିଡିଓଟି ପୁରୁଣା ଏବଂ ଏହା ଭାରତର ନୁହେଁ। ଏହି ଭିଡିଓଟି ୨୦୨୪ ମସିହାରେ ପାକିସ୍ତାନର ଖାଇବର ପଖତୁନଖ୍ୱାରେ ଘଟିଥିବା ସାମ୍ପ୍ରଦାୟିକ ସଂଘର୍ଷର ବୋଲି ଜଣାପଡ଼ିଛି।

ଅଧିକ ପଢ଼ନ୍ତୁ: ଆମେରିକା, ରୁଷିଆ ଏବଂ ବ୍ରିଟେନ ସମେତ ଅନେକ ପ୍ରମୁଖ ଦେଶକୁ 'ଅପରେସନ୍ ସିନ୍ଦୂର' ବିଷୟରେ ସୂଚନା ଦେଲା ଭାରତ

OperationSindoor | India | pakistan