ଆଇଏମଏଫର କଠୋର ସର୍ତ୍ତ ମାନିବା ଛଡ଼ା ଆମ ପାଖରେ ଉପାୟ ନାହିଁ : ସରିଫ୍
ଇସ୍ଲାମାବାଦ : ପାକିସ୍ତାନ ଏବେ ଏକ ଭୟଙ୍କର ଆର୍ଥିକ ଦୁର୍ଗତି ଦେଇ ଗତି କରୁଛି । ଏ ପରିପ୍ରେକ୍ଷୀରେ ପାକିସ୍ତାନ ଅନ୍ତର୍ଜାତୀୟ ମୁଦ୍ରା ପାଣ୍ଠି (ଆଇଏମଏଫ)ଠାରୁ ଋଣ ଆବେଦନ କରିଛି । କିନ୍ତୁ ଆଇଏମଏଫ ପାକିସ୍ତାନ ଉପରେ ଯେଉଁ ସର୍ତ୍ତାରୋପ କରିଛି ତାହାକୁ ଦେଇ ପାକିସ୍ତାନର ହୋସ ଉଡ଼ିଯାଇଛି । କିନ୍ତୁ ଏସବୁ କଠୋର ସର୍ତ୍ତ ସତ୍ତ୍ବେ ପାକିସ୍ତାନ ସରକାରଙ୍କ ପାଖରେ ଯେ ଅନ୍ୟ କୌଣସି ଉପାୟ ନାହିଁ, ତାହା ପ୍ରଧାନମନ୍ତ୍ରୀ ଶାହବାଜ ସରିଫ ସ୍ବୀକାର କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଆଇଏମଏଫର କଠୋର ନୀତି ସାମ୍ନାକୁ ଆସିବା ପରେ ଶାହବାଜ ସରିଫଙ୍କ ଅସନ୍ତୋଷ ସାମ୍ନାକୁ ଆସିଥିଲା। ପ୍ରଧାନମନ୍ତ୍ରୀ ଶେହବାଜ ସରିଫ ଶୁକ୍ରବାର ଦିନ କହିଛନ୍ତି ଯେ ୭ ବିଲିୟନ ଡଲାର ଋଣ ପ୍ରଦାନ ପାଇଁ ପାକିସ୍ତାନ ଗସ୍ତରେ ଆସିଥିବା ଆନ୍ତର୍ଜାତୀୟ ମୁଦ୍ରା ପାଣ୍ଠି (ଆଇଏମଏଫ)ର ଟିମ ତାଙ୍କ ଦେଶ ପାଇଁ ଏକ ଦୁଃସ୍ୱପ୍ନଠାରୁ କମ୍ ନୁହେଁ । ପାକିସ୍ତାନର ଏବେକାର ଅର୍ଥନୈତିକ ଆହ୍ୱାନ ଅକଳ୍ପନୀୟ ରହିଛି। କିନ୍ତୁ ଆଇଏମଏଫ ସମୀକ୍ଷା ସମାପ୍ତ କରିବା ପାଇଁ ଯେଉଁ ସର୍ତ୍ତଗୁଡିକ ପୂରଣ କରିବାକୁ ପଡିବ ତାହା ମଧ୍ୟ କଳ୍ପନା ବାହାରେ ।
ପେଶାୱାରରେ ସର୍ବୋଚ୍ଚ କମିଟି ବୈଠକକୁ ସମ୍ବୋଧିତ କରି ସେ କହିଥିଲେ ଯେ ସର୍ତ୍ତ ଲାଗୁ କରିବା ବ୍ୟତୀତ ଦେଶ ପାଖରେ କୌଣସି ବିକଳ୍ପ ନାହିଁ। ନାଥନ ପୋର୍ଟରଙ୍କ ଅଧ୍ୟକ୍ଷତାରେ ଆଇଏମଏଫ ପ୍ରତିନିଧି ଦଳ ପାକିସ୍ତାନ ଆସିଛନ୍ତି ।
ଜାନୁଆରୀ ୨୭ ପର୍ଯ୍ୟନ୍ତ ପାକିସ୍ତାନର ବୈଦେଶିକ ମୁଦ୍ରା ଭଣ୍ଡାର ୩.୦୯ ବିଲିୟନ ଡଲାରକୁ ଖସି ଆସିଛି, ଯାହା ଦ୍ବାରା ପାକିସ୍ତାନ ମାତ୍ର ୧୮ ଦିନର ଆମଦାନୀ କରିପାରିବ ।