/sambad/media/agency_attachments/2024-07-24t043029592z-sambad-original.webp)
/sambad/media/post_attachments/wp-content/uploads/2019/03/download-73.jpg)
ମୁମ୍ବାଇ : ଗତ କିଛି ଦିନ ମଧ୍ୟରେ ଭାରତ-ପାକ୍ ମଧ୍ୟରେ ଯାହା ସବୁ ଘଟି ଯାଇଛି, ତାହା ଦୁଇ ଦେଶର ସଂପର୍କକୁ ଆହୁରି ତିକ୍ତ କରିଛି । ପୁଲଓ୍ଵାମା ଆକ୍ରମଣରେ ଭାରତର ୪୦ଜଣ ଯବାନ ସହିଦ୍ ହେବା ପରେ ପାକିସ୍ତାନ ବାରମ୍ବାର ଅସ୍ତ୍ରବିରତି ଉଲ୍ଲଂଘନ କରି ଚାଲିଛି । ଏଇ କିଛି ଦିନ ମଧ୍ୟରେ ଭାରତର ଅନେକ ଯବାନ ସହିଦ୍ ହୋଇଥିବା ବେଳେ ପାକିସ୍ତାନ ସୁଧୁରିବାର ନାଁ ନେଉ ନାହିଁ । ତେବେ ଆଗକୁ ହୋଲି ଥିବା ବେଳେ ଏହି ଅବସରରେ ପାକ୍ ପ୍ରଧାନମନ୍ତ୍ରୀ ଇମ୍ରାନ୍ ଖାନ୍ ସବୁ ହିନ୍ଦୁ ସମୁଦାୟକୁ ହୋଲିର ଶୁଭକାମନା ଜଣାଇଥିବା ଦେଖା ଯାଇଛି ।
Wishing our Hindu community a very happy and peaceful Holi, the festival of colours.
— Imran Khan (@ImranKhanPTI) March 20, 2019
ଟୁଇଟ୍ କରି, "ଆମର ସବୁ ହିନ୍ଦୁ ଭାଇ ମାନଙ୍କୁ ଶାନ୍ତିପୁର୍ଣ୍ଣ ହୋଲିର ଶୁଭକାମନା" ବୋଲି ଲେଖିଥିଲେ ଇମ୍ରାନ ଖାନ୍ । ଇମ୍ରାନଙ୍କ ଏଭଳି ଟୁଇଟ୍ ଆସିବା ପରେ ବଲିଉଡ୍ର ଫିଲ୍ମ ନିର୍ମାତା ଅଶୋକ ପଣ୍ଡିତ୍ ତାଙ୍କୁ କଡ଼ା ଜବାବ ଦେଇଥିବା ଦେଖା ଯାଇଛି ।
Stop playing Holi with blood of our soldiers on your hands and then wish us. #PulwamaAttack. https://t.co/tqmBO1uP8Y
— Ashoke Pandit (@ashokepandit) March 20, 2019
ଇମ୍ରାନ ଖାନ୍ଙ୍କ ଟୁଇଟ୍ର ଜବାବ ଦେବାକୁ ଯାଇ, "ଆମ ଦେଶର ଯବାନମାନଙ୍କ ରକ୍ତରେ ପ୍ରଥମେ ହୋଲି ଖେଳିବା ବନ୍ଦ କର । ତା’ ପରେ ଆମକୁ ଶୁଭକାମନା ଜଣାଇବ" ବୋଲି ଲେଖିଥିଲେ ଅଶୋକ ପଣ୍ଡିତ୍ ।
