କଶ୍ମୀର ଆମ ଆଭ୍ୟନ୍ତରୀଣ ମାମଲା, ପାକିସ୍ତାନ ଏଥିରେ ହସ୍ତକ୍ଷେପ କରିବା ବନ୍ଦ କରୁ : ଭାରତ
ନୂଆଦିଲ୍ଲୀ : ବାସ୍ତବତାକୁ ପାକିସ୍ତାନ ଗ୍ରହଣ କରୁ ଓ ଅନ୍ୟ ଦେଶରେ ଆଭ୍ୟନ୍ତରୀଣ ମାମଲାରେ ହସ୍ତକ୍ଷେପ କରିବା ବନ୍ଦ କରୁ ବୋଲି ଭାରତ କହିଛି । ଭାରତୀୟ ବୈଦେଶିକ ମନ୍ତ୍ରାଳୟର ମୁଖପାତ୍ର ରବିଶ କୁମାର କହିଛନ୍ତି ଯେ ଜମ୍ମୁ ଓ କଶ୍ମୀରରୁ ଧାରା ୩୭୦ ଉଠାଇବା ଭାରତର ଏକ ଆଭ୍ୟନ୍ତରୀଣ ମାମଲା, ଏଥିରେ କୌଣସି ବାହ୍ୟ ରାଷ୍ଟ୍ରର ହସ୍ତକ୍ଷେପକୁ ଗ୍ରହଣ କରାଯିବ ନାହିଁ । ଭାରତର ଏହି ଆଭିମୁଖ୍ୟକୁ ମିଳିତ ଜାତିସଂଘ ମଧ୍ୟ ଗ୍ରହଣ କରିଛି ।
Sambad is now on WhatsApp
Join and get latest news updates delivered to you via WhatsApp
ସେ କହିଛନ୍ତି ଯେ ପାକିସ୍ତାନ ପକ୍ଷରୁ ଗ୍ରହଣ କରାଯାଇଥିବା ପଦକ୍ଷେପ ଗୁଡ଼ିକ ଏକପାଖିଆ, ଏଥିପାଇଁ ଭାରତ ସହ ପରାମର୍ଶ କରାଯାଇନାହିଁ । ପାକିସ୍ତାନ ନିଜ ପଦକ୍ଷେପର ପୁନର୍ବିଚାର କରୁବୋଲି ସେ କହିଛନ୍ତି । ଦ୍ୱିପାକ୍ଷିକ ସଂପର୍କ ଖରାପ ହୋଇଛି ବୋଲି ଦେଖାଇବାକୁ ପାକିସ୍ତାନ ଏସବୁ ପଦକ୍ଷେପ ଗ୍ରହଣ କରିଛି । ଜମ୍ମୁ ଓ କାଶ୍ମୀରରେ ଆସୁଥିବା ସ୍ୱାଭାବିକ ଅବସ୍ଥା ପାକିସ୍ତାନକୁ ବିଚଳିତ କରୁଛି । ଏଥିପାଇଁ ଏକ ମିଥ୍ୟା ପ୍ରଚାର ଚଳାଇଛି ବୋଲି ସେ କହିଛନ୍ତି ।