ପାକିସ୍ତାନର ଧମକ : ଆଉ ଥରେ ସର୍ଜିକାଲ ଷ୍ଟ୍ରାଇକ୍ ହେଲେ କଡ଼ା ଜବାବ ଦେବୁ
ଯୁଦ୍ଧ ସମସ୍ୟାର ସମାଧାନ ନହେଁ : ମେହବୁବା
ଶ୍ରୀନଗର: ତେବେ ପୁଣି ଥରେ ସର୍ଜିକାଲ ଷ୍ଟ୍ରାଇକ୍ କଲେ ତାହାର ଚରମ ପରିଣତି ଭୋଗିବାକୁ ଭାରତ ପ୍ରସ୍ତୁତ ରହିବା ଆବଶ୍ୟକ ବୋଲି ପାକିସ୍ତାନ ଚେତାଇ ଦେଇଛି । ପାକିସ୍ତାନର ବୈଦେଶିକ ମନ୍ତ୍ରଣାଳୟ ପକ୍ଷରୁ କୁହାଯାଇଛି ଯେ ଭାରତରେ ପ୍ରତି ଆତଙ୍କବାଦୀ ଆକ୍ରମଣ ପରେ ପାକିସ୍ତାନକୁ ଦୋଷଦେବା ଏକ ନିୟମିତ କାର୍ଯ୍ୟକ୍ରମ ହୋଇଗଲାଣି । ଏପରିିକି ତଦନ୍ତ ପୂର୍ବରୁ ମଧ୍ୟ ଭାରତ ସରକାର ଓ ଭାରତୀୟ ଗଣମାଧ୍ୟମ ପାକିସ୍ତାନକୁ ଦୋଷ ଦେବା ଦୁର୍ଭାଗ୍ୟଜନକ।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ ଯେ ଗତ ଶନିବାରଦିନ ଜାମ୍ମୁର ସୁଞ୍ଜୁଆନ ଆର୍ମି କ୍ୟାମ୍ପରେ ଆତଙ୍କବାଦୀ ଆକ୍ରମଣ ହେବା ପରେ ପାକିସ୍ତାନ ବିରୋଧରେ କଠୋର କାର୍ଯ୍ୟାନୁଷ୍ଠାନ ପାଇଁ ଭାରତ ସରାକାରଙ୍କ ଉପରେ ଚାପ ବଢିଚାଲିଛି । ଆଉ ଏକ ସର୍ଜିକାଲ ଷ୍ଟ୍ରାଇକ୍ ପାଇଁ ଦାବି କରାଯାଉଛି । ଏହି ଆତଙ୍କବାଦୀ ଆକ୍ରମଣରେ ଭାରତର ୫ ଜଣ ଜବାନ ସହିଦ ହୋଇଥିବାବେଳେ ସେନା କାର୍ଯ୍ୟାନୁଷ୍ଠାନରେ ୪ ଜଣ ଆତଙ୍କବାଦୀ ନିହତ ହୋଇଛନ୍ତି । ଏହି ଅପରେସନ ଶେଷ ନହେଉଣୁ ଶ୍ରୀନଗରସ୍ଥିତ ଏକ ସିଆରପିଏଫ କ୍ୟାମ୍ପରେ ମଧ୍ୟ ଆତଙ୍କବାଦୀ ଆକ୍ରମଣ ଘଟିଛି । ଏହି ଆତଙ୍କବାଦୀ ଘଟଣାରେ ପାକିସ୍ତାନୀ ଆତଙ୍କବାଦୀ ସଂଗଠନ ଜୈସ ଇ ମହମ୍ମଦ ସାମିଲ ଥିବା ସଂଦେହ କରାଯାଉଛି ।
ଭାରତ ଓ ପାକିସ୍ତାନ ମଧ୍ୟରେ ଉତ୍ତେଜନା ଦିନକୁ ଦିନ ବଢିଚାଲିଥିବାବେଳେ ସୀମାରେ ଯୁଦ୍ଧଭଳି ପରିସ୍ଥିତି ଉପୁଜିଛି । ପ୍ରାୟ ପ୍ରତିଦିନ ଆତଙ୍କବାଦୀ ଘଟଣା ଓ ସୀମାପାର ଯୁଦ୍ଧବିରତି ଉଲ୍ଲଙ୍ଘନ ଘଟୁଛି । କିନ୍ତୁ ଏହା ଦ୍ୱାରା ନିରୀହ ସାଧାରଣ ଜନତା କଷ୍ଟ ସହୁଛନ୍ତି । ଏସବୁ ସତ୍ତ୍ୱେ ଯୁଦ୍ଧ ଏହି ସମସ୍ୟାର ସମାଧାନ ନୁହେଁ । କେବଳ କଥାବାର୍ତ୍ତା ମାଧ୍ୟମରେ ଏହାର ସମାଧାନ ହୋଇପାରିବ ବୋଲି ଜାମ୍ମୁ ଓ କାଶ୍ମୀର ମୁଖ୍ୟମନ୍ତ୍ରୀ ମେହେବୁବା ମୁଫତି କହିଛନ୍ତି ।