ଇସଲାମାବାଦ: ଭାରତ ବୁଧବାର ସମସ୍ତଙ୍କ ପସନ୍ଦର ଦଳ ଭାବେ ପଡ଼ିଆକୁ ଓହ୍ଲାଇଥିଲା। ଟସ୍ ହାରିବା ପରଠାରୁ ଦଳ ଯେମିତି ଆଦୌ ଲୟରେ ଥିଲା ଭଳି ମନେ ହୋଇ ନଥିଲା। ରୋହିତ ଶର୍ମା ବ୍ୟାଟିଂ କରୁଥିଲା ବେଳେ ଭାରତ ବିଜୟ ଏକପ୍ରକାର ସୁନିଶ୍ଚିତ ବୋଲି ଜଣାପଡ଼ୁଥିଲା। ‌ତାଙ୍କ ୱିକେଟ୍ ପରେ କିନ୍ତୁ ରୋହିତ ବାହିନୀର ବିଜୟ ପ୍ରତିଶତ କମି କମି ଯାଇଥିଲା। ଶେଷରେ ଅଷ୍ଟ୍ରେଲିଆ ୬ ୱିକେଟ୍‌ରେ ବିଜୟୀ ହୋଇ ଷଷ୍ଠ ଥର ପାଇଁ ବିଶ୍ବକପ୍ ଜିତିବାର ଗୌରବ ଅର୍ଜନ କରିଥିଲା।

Advertisment

ଭାରତ ହାରିବା ପରେ ଏହାର ଶତ୍ରୁ ଦେଶ ଭାବେ ଜଣାଶୁଣା ପାକିସ୍ତାନ ବହୁତ ଖୁସି ଥିବା ଦେଖାଯାଇଛି। ‌ପାକିସ୍ତାନୀମାନେ ଭାରତକୁ ଟ୍ରୋଲ କରୁଥିବା ବେଳେ ପାକ୍ ଅଭିନେତ୍ରୀ ସେହର ଶିନୱାରୀ ଏକ୍ସରେ ପୋଷ୍ଟ କରି ଭାରତକୁ ଟ୍ରୋଲ କରିଥିବା ଦେଖାଯାଇଛି। ହେଲେ ଭାରତୀୟମା‌ନେ ମଧ୍ୟ ଜବାବ ଦେବାକୁ ପଛାଇ ନାହାନ୍ତି।

ସେହର ଏକ୍ସରେ ଲେଖିଛନ୍ତି, ଆଜି ଭାରତରେ ଟିଭି ଭଙ୍ଗା ଯାଉଛି।

ଏହାର ଜବାବରେ ପ୍ରକାଶ ବିଷ୍ଣୋଇ ନାମକ ଜଣେ ଏକ୍ସ ବ୍ୟବହାରକାରୀ ଲେଖିଛନ୍ତି, ତୁମ ପାଖରେ ତ ଏବେ ଭାଙ୍ଗିବା ପାଇଁ ଟିଭି ନାହିଁ। କାରଣ ସବୁ ବର୍ଷ ଭାଙ୍ଗୁଛ ନା। ଆଉ ଏଥର ତ ୧୦ଟି ମ୍ୟାଚରୁ ୬ଟି ହାରିଛ। ଏବେ ତୁମ ପାଖରେ କେବଳ ଭିକ ମାଗିବା ପାଇଁ ତାଟିଆ ବଳିଛି।