ଜମ୍ମୁକାଶ୍ମୀରରୁ ଗିରଫ ହେଲା ପାକିସ୍ତାନୀ ଏଜେଣ୍ଟ, ଭିଡିଓ କରି ପଠାଉଥିଲା ସୁରକ୍ଷାକର୍ମୀଙ୍କ ତଥ୍ୟ
ଶ୍ରୀନଗର: ଜମ୍ମୁକାଶ୍ମୀର ପୁଲିସର ସ୍ପେଶାଲ ଅପରେସନ ଗ୍ରୁପ ପାକିସ୍ତାନ ଗୁଇନ୍ଦା ସଂସ୍ଥା ପାଇଁ କାମ କରୁଥିବା ଅଭିଯୋଗରେ ଏକ ଏଜେଣ୍ଟକୁ ଗିରଫ କରିଛି | ଜାମ୍ମୁ ସହହର ନରାବଲ ଅଂଚଳରୁ ଯୁବକକୁ ଗିରଫ କରାଯାଇଥିବାବେଳେ ତାଙ୍କର ନାମ ପଙ୍କଜ ଶର୍ମା ବୋଲି ଜଣାପଡିଛି | ପଙ୍କଜ ସୋସିଆଲ ମିଡ଼ିଆ ମାଧ୍ୟମରେ ସୁରକ୍ଷାକର୍ମୀଙ୍କ ବାବଦରେ ସୂଚନା ପାକିସ୍ତାନ ଗୁଇନ୍ଦା ସଂସ୍ଥାକୁ ପଠାଉଥିଲା | ଏହା ବଦଳରେ ପଙ୍କଜକୁ ବିପୁଳ ଟଙ୍କା ମଧ୍ୟ ମିଳୁଥିଲା | ପୁଲିସ ପଙ୍କଜର ଦୁଇଟି ବ୍ୟାଙ୍କ ଆକାଉଣ୍ଟକୁ ମଧ୍ୟ ସିଲ କରିଛି |
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁସାରେ ପଙ୍କଜକୁ ପଚରାଉଚୁରା କରାଯିବା ପରେ ସେ ସ୍ୱୀକାର କରିଛି ଯେ କିଛି ବର୍ଷ ଧରି ପାକିସ୍ତାନୀ ଏଜେଣ୍ଟ ଭାବରେ ସେ କାମ କରୁଥିଲା | ଏଠାରେ ସେ ଗୁପ୍ତ ଭାବେ ରହି ଯବାନଙ୍କ ଗତିବିଧି ବାବଦରେ ସୂଚନା ଦେଉଥିଲା | କୁହାଯାଉଛି ପଙ୍କଜ ନରାବଲ ଅଂଚଳରେ ଥିବା ଏକ ପରିବା ମଣ୍ଡିରେ କାର୍ଯ୍ୟ କରୁଥିଲା |
କିନ୍ତୁ ଯବାନଙ୍କ ଗତିବିଧି ଉପରେ ନଜର ରଖୁଥିଲା | ଏହା ପରେ ହ୍ଵାଟ୍ସଆପ ମାଧ୍ୟମରେ ସେ ସବୁର ଫଟୋ ଉଠାଇ ଓ ଭିଡିଓ ଉତ୍ତୋଳନ କରି ପାକିସ୍ତାନ ଗୁଇନ୍ଦା ଏଜେନ୍ସିମାନଙ୍କୁ ପଠାଉଥିଲା | ଏହି ଫଟୋ ଓ ଭିଡିଓ ପାଇବା ପରେ ପାକିସ୍ଥାନୀ ଗୁଇନ୍ଦା ସଂସ୍ଥା ପଙ୍କଜର ବ୍ୟାଙ୍କ ଆକାଉଣ୍ଟକୁ ପର୍ଯ୍ୟାପ୍ତ ଟଙ୍କା ପଠାଉଥିଲେ |