ନୂଆଦିଲ୍ଲୀ : ପାକିସ୍ତାନୀ ସିନେଟ ସଦସ୍ୟ ତଥା ପୂର୍ବତନ ମନ୍ତ୍ରୀ ରେହମାନ୍ ମଲିକ୍ ପୁଣିଥରେ ଭାରତୀୟମାନଙ୍କ ଫାଶରେ ପଶିଯାଇଛନ୍ତି । ଅକ୍ଷୟନାମକ ଜଣେ ଭାରତୀୟ ଟ୍ଵିଟରରେ ତିନିଜଣ ଅନ୍ତର୍ଜାତୀୟ ପର୍ଣ୍ଣଷ୍ଟାରଙ୍କ ଫଟୋ ଦେଇ ଲେଖିଥିଲେ ଯେ ଭାରତୀୟ ଆଞ୍ଚଳିକ ଚଳଚ୍ଚିତ୍ର ଜଗତର କେତେକ ପ୍ରଭାବଶାଳୀ ଅଭିନେତ୍ରୀ ନାଗରିକତା (ସଂଶୋଧନ) ଆଇନ ବିରୁଦ୍ଧରେ ସ୍ୱର ଉତ୍ତୋଳନ କରିଛନ୍ତି । ନିଜର ବିରୋଧ ଦର୍ଶାଇବାକୁ ସେମାନେ ସାଂକେତିକଭାବେ ହିଜାବ ପିନ୍ଧିଛନ୍ତି । ଏହାକୁ ରେହମାନ ମଲିକ ରିଟ୍ଵିଟ୍ କରି ଲେଖିଥିଲେ ଯେ ଇଶ୍ୱର ସେମାନଙ୍କୁ ଆଶିର୍ବାଦ କରନ୍ତୁ । ସେ ଏହି ପର୍ଣ୍ଣଷ୍ଟାରମାନଙ୍କୁ ସତସତିକା ଭାରତୀୟ ଅବିନେତ୍ରୀ ଭାବିଦେଇଥିଲେ । ଏହା ଜଣାପଡ଼ିବା ପରେ ସୋସିଆଲ ମିଡ଼ିଆରେ ତାଙ୍କୁ ଜବରଦସ୍ତ ଟ୍ରୋଲ କରାଯାଉଛି । ତାଙ୍କ ବୋକାମୀକୁ ସମସ୍ତେ ହସରେ ଉଡ଼ାଉଛନ୍ତି । ଜଣେ ବ୍ୟକ୍ତି ଟ୍ଵିଟରରେ ଲେଖିଛନ୍ତି, ଚାଚା ଫସିଗଲେ । ପରେ ନିଜର ଭୁଲ ବୁଝିପାରି ମଲିକ ନିଜର ଟ୍ଵିଟକୁ ହଟାଇ ଦେଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଗତ ଅଗଷ୍ଟ ମାସରେ ଭାରତ ସରକାର କଶ୍ମୀରରୁ ଧାରା ୩୭୦ ଉଠାଇଦେବା ପରେ ସେ ଏକ ଟ୍ଵିଟ କରି ସମଦଶା ଭୋଗିଥିଲେ । କଶ୍ମୀରରେ ଭାରତୀୟ ସେନାର ବର୍ବରତା ସଂପର୍କରେ ଲେଖି ସେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ ଜାତିସଂଘ (ୟୁଏନଓ)କୁ ଟ୍ୟାଗ କରିଥିଲେ । କିନ୍ତୁ ସେ ୟୁଏନଓ ବଦଳରେ ୟୁଏନଓ ଗେମକୁ ଟ୍ୟାଗ୍ କରିଦେଇଥିଲେ । ଏହାକୁ ନେଇ ଟ୍ଵିଟରରେ ସେ ଟ୍ରୋଲ ହୋଇଥିଲେ ।