ଭାରତୀୟଙ୍କ ନାଁରେ ନକଲି ସୋସିଆଲ ମିଡିଆ ଆକାଉଣ୍ଟ କରି କଶ୍ମୀର ସଂପର୍କିତ ମିଛ ଖବର ପ୍ରଚାର କରୁଛି ପାକିସ୍ତାନ
ମୁମ୍ବାଇ : ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଜମ୍ମୁ-କଶ୍ମୀରରୁ ଧାରା ୩୭୦ ଉଚ୍ଛେଦ କରିବା ପରେ ପାକିସ୍ତାନ-ଭାରତ ମଧ୍ୟରେ ଥିବା ସଂପର୍କ ଆହୁରି ତିକ୍ତ ହୋଇଥିଲା । ଭାରତକୁ ଉଚିତ୍ ଜବାବ ଦେବା ପାଇଁ ପାକିସ୍ତାନ ଭିନ୍ନ ଭିନ୍ନ ବାଟ ଆପଣାଉଥିବା ବେଳେ ଏବେ ପାକିସ୍ତାନର ଆଉ ଏକ ଚାଲ୍ ସାମ୍ନାକୁ ଆସିଛି । ଭାରତକୁ ବଦ୍ନାମ କରିବା ପାଇଁ ପାକିସ୍ତାନ ଭାରତୀୟ ଯୁବକଙ୍କ ନାଁରେ ନକଲି ସୋସିଆଲ ମିଡିଆ ଆକାଉଣ୍ଟ ତିଆରି କରି ଭାରତ ବିରୋଧୀ ମିଛ ଖବର ପ୍ରସାର କରୁଥିବା ନେଇ ସୂଚନା ଦେଇଛି ମହାରାଷ୍ଟ୍ରର ସାଇବର ସେଲ୍ ।
Sambad is now on WhatsApp
Join and get latest news updates delivered to you via WhatsApp
ପାକ୍ ଦ୍ୱାରା ତିଆରି କରାଯାଇଥିବା ନକଲି ଆକାଉଣ୍ଟ ଦ୍ୱାରା, ଭାରତୀୟ ଯବାନ କଶ୍ମୀରରେ ନରସଂହାର କରୁଥିବା ନେଇ ମିଛ ଖବର ପ୍ରସାର କରାଯାଉଛି । ମହାରାଷ୍ଟ୍ର ସାଇବର ସେଲ୍ର ସ୍ୱତନ୍ତ୍ର ପୁଲିସ ମହାନିରୀକ୍ଷକ ବ୍ରିଜେଶ ସିଂହଙ୍କ କହିବା ଅନୁଯାୟୀ, କିଛି ନକଲି ଆକାଉଣ୍ଟ ହିଂସା ସୃଷ୍ଟିକାରୀ ପୋଷ୍ଟ କରିବାରେ ଲାଗିଛନ୍ତି । ଏଭଳି କାମ ପାକ୍ ପକ୍ଷରୁ କରାଯାଉଥିବା ବେଳେ କଶ୍ମୀରରେ ନରସଂହାର ଚାଲୁଥିବା ନେଇ ନକଲି ଫଟୋ ଓ ଭିଡିଓ ସେୟାର କରାଯାଉଛି । ତେବେ ଲୋକମାନଙ୍କୁ ଏହାକୁ ସେୟାର ନ କରି କରିବାକୁ କହିଛନ୍ତି ବ୍ରିଜେଶ ସିଂହ ।