ଏବର୍ଷ ଆଉ ସ୍କୁଲ ନ ଖୋଲିବାକୁ ମୁଖ୍ୟମନ୍ତ୍ରୀଙ୍କୁ ଜଣାଇଲା ଅଭିଭାବକ ସଂଘ
ନୂଆଦିଲ୍ଲୀ: ଦିଲ୍ଲୀ ପ୍ୟାରେଣ୍ଟସ୍ ଆସୋସିଏସନ୍ ବା ଦିଲ୍ଲୀ ଅଭିଭାବକ ସଂଘ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ଚିଠି ଲେଖିଛନ୍ତି। ପ୍ରାୟ ସମସ୍ତେ ବର୍ତ୍ତମାନ ନିଜ ପିଲାମାନଙ୍କୁ ବିଦ୍ୟାଳୟକୁ ପଠାଇବାକୁ ପ୍ରସ୍ତୁତ ନୁହଁନ୍ତି | ଦିଲ୍ଲୀ ବିଦ୍ୟାଳୟରେ ପଢ଼ୁଥିବା ପ୍ରାୟ ୨୫୦୦ ପିଲାଙ୍କ ଅଭିଭାବକମାନେ କୋଭିଡ -୧୯ ମହାମାରୀ ହେତୁ ଚଳିତ ଶିକ୍ଷାବର୍ଷରେ ସ୍କୁଲ ନ ଖୋଲିବାକୁ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ଅନୁରୋଧ କରିଛନ୍ତି। ଏହି ମତାମତକୁ ଏକ ମିଳିତ ପ୍ରତିନିଧିତ୍ୱ ଭାବରେ ପଠାଯାଇଛି |
Sambad is now on WhatsApp
Join and get latest news updates delivered to you via WhatsApp
ଦିଲ୍ଲୀ ପ୍ୟାରେଣ୍ଟସ୍ ଆସୋସିଏସନ୍ (ଡିପିଏ) ଦ୍ୱାରା ଅନଲକ-୫ ଘୋଷଣା ହେବା ପରେ ପୁଣି ଥରେ ବିଦ୍ୟାଳୟଗୁଡ଼ିକ ଖୋଲିବା ନେଇ ପିତାମାତାଙ୍କଠାରୁ ମତାମତ ଲୋଡ଼ିଥିଲେ | ଏଥିରେ ୨୪୯୮ଜଣ ଅଭିଭାବକ ସରକାରଙ୍କୁ ନିବେଦନ କରିଛନ୍ତି ଯେ ଚଳିତ ବର୍ଷ ସ୍କୁଲ ଖୋଲିବା ବିପଜ୍ଜନକ ହେବ। ଅଭିଭାବକମାନେ କହିଛନ୍ତି ଯେ ଦିଲ୍ଲୀରେ ଶୀତ ପ୍ରଦୂଷଣର ମାତ୍ରା ବୃଦ୍ଧି ଏବଂ କରୋନା ମାମଲା ବୃଦ୍ଧି ସେମାନଙ୍କ ପାଇଁ ଚିନ୍ତାର ବିଷୟ ହୋଇଛି ।
ଡିପିଏ ଅଭିଭାବକଙ୍କ ନାମ ତାଲିକା ଦିଲ୍ଲୀ ଏବଂ କେନ୍ଦ୍ର ସରକାରଙ୍କୁ ଦେଇଛି । କେନ୍ଦ୍ର ସରକାରଙ୍କ ନିର୍ଦ୍ଦେଶାବଳୀକୁ ଆଧାର କରି ଆସୋସିଏସନ ପିତାମାତାଙ୍କଠାରୁ ପ୍ରତିକ୍ରିୟା ଲୋଡିଥିଲା। ଅଭିଭାବକମାନେ କହିଛନ୍ତି ଯେ ଅତି କମରେ ଟିକା ଉପଲବ୍ଧ ନହେବା ପର୍ଯ୍ୟନ୍ତ ଓ କୋଭିଡ -୧୯ ମାମଲା ଲଗାତାର କମ ନହେବା ପର୍ଯ୍ୟନ୍ତ ବିଦ୍ୟାଳୟଗୁଡ଼ିକୁ ଖୋଲିବା ଉଚିତ ନୁହେଁ। ଅଭିଭାବକମାନେ ମଧ୍ୟ ଦାବି କରିଛନ୍ତି ଯେ ସରକାର ଏହି ବର୍ଷକୁ ଶୂନ୍ୟ ଶିକ୍ଷାବର୍ଷ ଭାବେ ଘୋଷଣା କରନ୍ତୁ |