୨୩କୁ ଘୁଞ୍ଚିଲା ପରୀ ହତ୍ୟା ଘଟଣାର ଶୁଣାଣି
ନୂଆଦିଲ୍ଲୀ : ସୁପ୍ରିମକୋର୍ଟରେ ପରୀ ହତ୍ୟା ଘଟଣାର ସିବିଆଇ ତଦନ୍ତ ଆବେଦନର ଶୁଣାଣି ଜୁଲାଇ ୨୩ ତାରିଖକୁ ଘୁଞ୍ଚିଛି। ଆଜି ଏହି ମାମଲାର ଶୁଣାଣି ବିଚାରପତି ଏଏମ୍ ଖାନୱିଲକର ଓ ବିଚରାପତି ସଂଜୀବ ଖାନ୍ନାଙ୍କ ଖଣ୍ଡପୀଠରେ ଧାର୍ଯ୍ୟ ହୋଇଥିଲା। ମାମଲାଟି ଶୁଣାଣି ପାଇଁ ଧାର୍ଯ୍ୟ କରାଯାଇଥିବା ତାଲିକାର ଶେଷରେ ରହିଥିବା ତଥା ଅନ୍ୟ କୌଣସି କାରଣବଶତଃ ଖଣ୍ଡପୀଠ ଆଜି ଏହି ମାମଲାର ଶୁଣାଣିକୁ ସ୍ଥଗିତ ରଖିଥିଲେ।
Sambad is now on WhatsApp
Join and get latest news updates delivered to you via WhatsApp
ଅପରପକ୍ଷେ, ଆବେଦନକାରୀ (ପରୀର ମା’)ଙ୍କ ପକ୍ଷରୁ ତାଙ୍କ ଆଇନଜୀବୀ ପରୀ ହତ୍ୟାକାଣ୍ଡ ସମ୍ବନ୍ଧିତ ହାଇକୋର୍ଟଙ୍କ ଦୁଇଟି ରାୟର ନକଲ ଖଣ୍ଡପୀଠଙ୍କ ନିକଟରେ ଦାଖଲ କରିଥିଲେ। ଗତକାଲି ସୁପ୍ରିମକୋର୍ଟ ପରୀ ହତ୍ୟା ଘଟଣାରେ ପୂର୍ବରୁ ଓଡ଼ିଶା ହାଇକୋର୍ଟ ଦୁଇଟି ରାୟ ଦେଇଥିବା ସଂପର୍କରେ ଆବେଦନକାରୀଙ୍କ ଓକିଲଙ୍କ ପାଖରୁ ଶୁଣାଣି ସମୟରେ ଅବଗତ ହେବା ପରେ ଦୁଇଟି ରାୟର ରେକର୍ଡକୁ ଦାଖଲ କରିବାକୁ ନିର୍ଦ୍ଦେଶ ଦେଇଥିଲେ।