କରୋନା ପାଇଁ ସଂସଦକୁ ବନ୍ଦ ରଖିବାକୁ ବିରୋଧୀଙ୍କ ଦାବି, ଆସନ୍ତାକାଲି ନିଆଯିବ ନିଷ୍ପତି

ନୂଆଦିଲ୍ଲୀ: କରୋନାଭାଇରସକୁ ନେଇ ଏବେ ସାରା ଦେଶ ସତର୍କ ହୋଇଛି | ଏହାର ମୁକାବିଲା ପାଇଁ ସରକାରଙ୍କ ଆଦେଶ ମାନି ଦେଶର ଜନତା କାମ କରୁଥିବା ଦେଖାଯାଇଛି | ତେବେ ସଂକ୍ରମଣକୁ ରୋକିବା ପାଇଁ ସବୁ ଜନସମାଗମସ୍ଥଳୀକୁ ବନ୍ଦ ରଖାଯିବ ସହ ସ୍କୁଲ-କଲେଜକୁ ମଧ୍ୟ ବନ୍ଦ ରଖାଯାଇଛି | ହେଲେ ଏ ପର୍ଯ୍ୟନ୍ତ ସଂସଦକୁ ବନ୍ଦ କରାଯାଇନଥିବାରୁ ବିରୋଧୀ ଦଳ ଏହାକୁ ତୀବ୍ର ବିରୋଧ କରିଛି | ତେବେ କୋଭିଡ-୧୯ର ସଂକ୍ରମଣ ଦ୍ରୁତ ଗତିରେ ବୃଦ୍ଧି ପାଉଥିବାରୁ ଆସନ୍ତାକାଲି ସଂସଦ ଚଳାଇବା ଉଚିତ କି ନାହିଁ ତାହା ଉପରେ ନିଷ୍ପତ୍ତି ନିଆଯାଇପାରେ ବୋଲି ସରକାରୀ ସୂତ୍ରରୁ ଜଣା ପଡିଛି।

ସୂଚନା ମୁତାବକ, ଆସନ୍ତାକାଲି ସଂସଦରେ ଅପରାହ୍ନ ୨ଟାରେ ଏକ ଗୁରୁତ୍ୱପୂର୍ଣ୍ଣ ଆଇନ – ଫାଇନାନ୍ସ ବିଲ୍ ପାରିତ ହେବାର ଅଛି, ଯାହା ପରବର୍ତ୍ତୀ ଆର୍ଥିକ ବର୍ଷ ପାଇଁ ମାର୍ଚ୍ଚ ୩୧ପରେ ସରକାରଙ୍କୁ ଦରମା ଏବଂ ବିଲ୍ ଦେବାକୁ ଅନୁମତି ଦେବ | ଅଧିକାରୀଙ୍କ ଭାବରେ ସରକାର କହିଛନ୍ତି ଯେ ଗୃହ କାର୍ଯ୍ୟସୂଚୀକୁ ଧାର୍ଯ୍ୟ ସମୟରେ ପାଳନ କରାଯିବ ଏବଂ ଗୃହ ଚାଲିବା ଜାରି ରହିବ| କିନ୍ତୁ କରନା ଭୟରେ କିଛି ସାଂସଦ ସଂସଦକୁ ଆସୁନଥିବାରୁ ଗୃହକୁ ବନ୍ଦ ରଖିବା ପାଇଁ ଚାପ ବଢିବାରେ ଲାଗିଛି | ବିଶେଷ କରି ଆଜି ସାରା ଦେଶରେ ଜନତା କର୍ଫ୍ୟୁ ଜାରି ହେବା ପରେ ବିରୋଧୀ ଦଳର ନେତାମାନେ ସଂସଦକୁ ବନ୍ଦ କରିବା ପାଇଁ ଦାବି କରିଛନ୍ତି |

Govt advisory asks people 65+ to stay home. Sunday curfew announced. And yet!

Why is #Parliament running? Why this confused messaging ?

About 44% MPs in RS and 22% MPs in LS are 65 and above. Ignore advisory ?

And you yourself mostly missing from Parliament floor #COVID

— Citizen Derek | নাগরিক ডেরেক (@derekobrienmp) March 20, 2020

ରାଜ୍ୟସଭାର ସାଂସଦ ଡେରେକ ଓ’ବ୍ରାଇନ୍ ଟୁଇଟ କରି କଣ ପାଇଁ ସଂସଦକୁ ବନ୍ଦ କରାଯାଇନାହିଁ ବୋଲି ପ୍ରଶ୍ନ କରିଛନ୍ତି| କିନ୍ତୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଦୃଢ ଭାବରେ ଏହାକୁ ବିରୋଧ କରିବା ସହ କହିଛନ୍ତି କି, ଏହା ଲୋକମାନଙ୍କୁ ନକାରାତ୍ମକ ସଙ୍କେତ ପଠାଇବ, ବିଶେଷକରି ଯେଉଁମାନେ ଆମକୁ କରୋନାଭାଇରସ୍ ଠାରୁ ରକ୍ଷା କରୁଥିବା ଜରୁରୀକାଳୀନ ସେବାରେ କାର୍ଯ୍ୟ କରୁଛନ୍ତି|