ଆଗ୍ରା: ଶୁଆ କହିଦେଲା ହତ୍ୟାକାରୀର ନାମ | ଆଉ ଶୁଆଠାରୁ ହତ୍ୟାକାରୀର ନାମ ଶୁଣିବା ପରେ ଏକ ମାମଲାରେ ଦୋଷୀକୁ ଆଜୀବନ କାରାଦଣ୍ଡ ଶୁଣାଇଲେ ବିଚାରପତି | ଉତ୍ତରପ୍ରଦେଶର ଆଗ୍ରାରେ ଏଭଳି ଏକ ମାମଲା ସାମ୍ନାକୁ ଆସିଛି | ଆଗ୍ରାରେ ଜଣେ ମହିଳାଙ୍କ ହତ୍ୟା ମାମଲାରେ ୯ ବର୍ଷ ପରେ ପରିବାରକୁ ନ୍ୟାୟ ମିଳିଛି। ଏହି ମାମଲାରେ ମୃତକଙ୍କ ଭଣଜାଙ୍କ ସମେତ ଦୁଇ ଦୋଷୀଙ୍କୁ ଆଜୀବନ କାରାଦଣ୍ଡରେ ଦଣ୍ଡିତ କରାଯାଇଛି। ୨୦୧୪ ମସିହାରେ ସାମ୍ବାଦିକ ବିଜୟ ଶର୍ମାଙ୍କ ପତ୍ନୀଙ୍କୁ ହତ୍ୟା କରାଯାଇଥିଲା। ତାଙ୍କ ପୋଷା କୁକୁରକୁ ମଧ୍ୟ ହତ୍ୟା କରାଯାଇଥିଲା। ଏହି ମାମଲାରେ କୋର୍ଟ ୯ ବର୍ଷ ପରେ ରୋନି ଏବଂ ଆଶୁତୋଷଙ୍କୁ ଦୋଷୀ ସାବ୍ୟସ୍ତ କରି ସେମାନଙ୍କୁ ଆଜୀବନ କାରାଦଣ୍ଡରେ ଦଣ୍ଡିତ କରିଛନ୍ତି। ବାସ୍ତବରେ ଏହି ହତ୍ୟାକାଣ୍ଡ ପରେ ପୁଲିସ ଅପରାଧୀଙ୍କୁ ଖୋଜୁଥିଲା, କିନ୍ତୁ କୌଣସି ସୂଚନା ପାଇପାରିନଥିଲା । କିନ୍ତୁ ଘରେ ଥିବା ଶୁଆ ବାରମ୍ବାର ମୃତକଙ୍କ ଭଣଜାଙ୍କ ନାମ ନେଉଥିଲା | ଏହା ପରେ ଯେତେବେଳେ ପୁଲିସ ଭଣଜାକୁ ଅଟକ ରଖି ପଚରାଉଚରା କରିଥିଲା, ସେତେବେଳେ ସେ ନିଜ ଅପରାଧ ସ୍ୱୀକାର କରିଥିଲେ।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ମୁତାବକ ବିଜୟ ଶର୍ମାଙ୍କ ପତ୍ନୀ ନୀଲମଙ୍କୁ ୯ ବର୍ଷ ପୂର୍ବେ ହତ୍ୟା କରାଯାଇଥିଲା। ହତ୍ୟା ପରେ ହତ୍ୟାକାରୀମାନେ ଘରେ ଲୁଟ ମଧ୍ୟ କରିଥିଲେ । ଯେତେବେଳେ ପୁଲିସ ତଦନ୍ତ ଆରମ୍ଭ କଲା, ହତ୍ୟାକାରୀଙ୍କୁ ଖୋଜିବା ପାଇଁ ପୁଲିସକୁ ବହୁତ ସମୟ ଲାଗିଥିଲା। ହତ୍ୟା ପରଠାରୁ ମୃତକଙ୍କ ଘରେ ଥିବା ଶୁଆ ରାଜା ଲଗାତାର ମହିଳାଙ୍କ ଭଣଜା ଆଶୁତୋଷଙ୍କ ନାମ ନେଉଥିଲା । ଏହା ପରେ ପୁଲିସ ଆଶୁତୋଷଙ୍କୁ ଅଟକ ରଖି ପଚରାଉଚରା କରିଥିଲା। ପଚରାଉଚରା ବେଳେ ଆଶୁତୋଷ ତାଙ୍କ ସାଙ୍ଗ ସହ ମିଶି ହତ୍ୟା କରିଥିବା ସ୍ୱୀକାର କରିଥିଲେ।