ଆଜି ରାତିରେ ଏମ୍ସରେ ରହିବେ ପାର୍ଥ
ଭୁବନେଶ୍ବର : କେତେକ ଅନିବାର୍ଯ୍ୟ କାରଣ ଯୋଗୁଁ ପଶ୍ଚିମବଙ୍ଗ ମନ୍ତ୍ରୀ ପାର୍ଥ ଚାଟାର୍ଜୀ ଆଜି ରାତିରେ ଭୁବନେଶ୍ବର ଏମ୍ସରେ ରହିବେ । ଏ ସମ୍ପର୍କରେ ଏମ୍ସ କର୍ତ୍ତୃପକ୍ଷ ସୂଚନା ଦେଇଛନ୍ତି । ଆସନ୍ତା କାଲି ସକାଳେ ତାଙ୍କୁ କୋଲକତା ନିଆଯିବ । ଶରୀର ଅସୁସ୍ଥ ହେବାରୁ କୋର୍ଟଙ୍କ ଅନୁମତି ନେଇ ତାଙ୍କୁ ଆଜି ଭୁବନେଶ୍ବର ଏମ୍ସ ଅଣାଯାଇଥିଲା । ତେବେ ତାଙ୍କର ସ୍ବାସ୍ଥ୍ୟବସ୍ଥାରେ ସେପରି କୌଣସି ସମସ୍ୟା ନାହିଁ ବୋଲି ଏଏମ୍ସ ପକ୍ଷରୁ ଆଜି କୁହାଯିବା ସହ ତାଙ୍କୁ ଡିସଚାର୍ଜ କରାଯାଇଥିଲା ।
Sambad is now on WhatsApp
Join and get latest news updates delivered to you via WhatsApp
ଗତ ଶୁକ୍ରବାରଦିନ ଇଡି ପାର୍ଥ ଚାଟାର୍ଜୀଙ୍କ ଘନିଷ୍ଠ ସହଯୋଗୀ ଅର୍ପିତା ମୁଖାର୍ଜୀଙ୍କ ଘରୁ ଚଢଉ କରି ନଗଦ ୨୧ କୋଟି ଟଙ୍କା ଜବତ କରିଥିଲା । ଏସବୁ ଟଙ୍କା ପଶ୍ଚିମବଙ୍ଗରେ ପ୍ରାଥମିକ ଶିକ୍ଷକ ନିଯୁକ୍ତିରେ ହୋଇଥିବା ଦୁର୍ନୀତିରୁ ସଂଗ୍ରହ କରାଯାଇଥିବା ଜଣାଯାଇଛି । ପଶ୍ଚିମ ବଙ୍ଗ ସ୍କୁଲ ସର୍ଭିସ କମିଶନ ଓ ପ୍ରାଥମିକ ଶିକ୍ଷା ବୋର୍ଡ ରେ ହୋଇଥିବା କୋଟି କୋଟି ଟଙ୍କାର ଦୁର୍ନୀତି ଅଭିଯୋଗରେ ଇଡି ପାର୍ଥଙ୍କ ଅଫିସ, ଘର ସମେତ ମୋଟ ୧୩ଟି ସ୍ଥାନରେ ଚଢଉ କରାଯାଇଥିଲା ।
ଏହି ଟଙ୍କା ପାର୍ଥଙ୍କର ବୋଲି ଆଜି ଅର୍ପିତା ସ୍ବୀକାର କରିବା ପରେ ପାର୍ଥଙ୍କ ସମସ୍ୟା ଆହୁରି ବଢିଯାଇଛି ।