ବେସାହାରା ରୋଗୀଙ୍କୁ ମିଳିଲାନି ଖାଦ୍ୟ, ଖାଇଦେଲେ ଜିଅନ୍ତା ପାରା
ରାଞ୍ଚି: ଝାଡ଼ଖଣ୍ଡର ରାଜଧାନୀ ରାଞ୍ଚିରେ ଏକ ହୃଦୟବିଦାରକ ଘଟଣା ଘଟିଛି | ପୁଣି ଥରେ ସମ୍ବେଦନହୀନ ସମାଜର ଚିତ୍ର ସାମ୍ନାକୁ ଆସିଛି | ମିଳିଥିବା ସୂଚନା ମୁତାବକ ରାଞ୍ଚିରେ ଥିବା ରାଜେନ୍ଦ୍ର ଇନଷ୍ଟିଚ୍ୟୁଟ ଅଫ ମେଡିକାଲ ସାଇନ୍ସରେ ମାନସିକ ବିକୃତ ରୋଗୀ ଏକ ଜିଅନ୍ତା ପାରାକୁ ମାରି ଖାଇଦେଇଛନ୍ତି | ଏବେ ଏହି ଫଟୋ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି | ସ୍ଥାନୀୟ ମିଡ଼ିଆର ଖବର ମୁତାବକ ଝାଡ଼ଖଣ୍ଡର ସବୁଠାରୁ ବଡ ହସ୍ପିଟାଲରେ ମାନସିକ ରୋଗୀଙ୍କ ପାଇଁ ଖାଦ୍ୟ ଦେବାର ବ୍ୟବସ୍ଥା ରହିଛି | କିନ୍ତୁ ଏହି ରୋଗୀଙ୍କୁ ଖାଦ୍ୟ ମିଳି ନଥିଲା, ଫଳରେ ଭୋକରେ ଆଉଟୁପାଉଟୁ ହୋଇ ରୋଗୀ ଜଣକ କିଛି ଉପାୟ ପାଇ ନଥିଲେ | 
Sambad is now on WhatsApp
Join and get latest news updates delivered to you via WhatsApp
ଶେଷରେ ଭୋକ ବିକଳରେ ଏକ ପାରାକୁ ମାରି ତାହାକୁ କଞ୍ଚା ଖାଇଥିଲେ | ଅନ୍ୟପଟେ ପ୍ରତ୍ୟକ୍ଷଦର୍ଶୀଙ୍କ କହିବା ମୁତାବକ ମେଡିକାଲ ପକ୍ଷରୁ ଖାଦ୍ୟ ନ ମିଳିବା ପରେ ଏହି ରୋଗୀ ଜଣକ ମେଡିକାଲକୁ ଆସୁଥିବା ରୋଗୀଙ୍କ ସମ୍ପର୍କୀୟଙ୍କୁ ଖାଇବାକୁ ମାଗିଥିଲେ | କିନ୍ତୁ କେହି ବି ଖାଦ୍ୟ ଦେବା ଦୂରେ ଥାଉ ଥରେ ବି ଚାହିଁ ନଥିଲେ |
ଫଳରେ ଭୋକର ଜ୍ୱାଳାରେ ମେଡିକାଲ ବାରଣ୍ଡାରେ ଏହି ରୋଗୀ ଜଣକ ଆଖପାଖରେ ବୁଲୁଥିବା ପାରାଙ୍କ ଉପରେ ନଜର ପକାଇଥିଲେ। ଶେଷରେ ପାରାକୁ ମାରିଦେଇଥିଲେ | ଏହା ପରେ ଅଧା ଘଣ୍ଟା ଧରି ସର୍ବସମ୍ମୁଖରେ ମୃତ ପାରାର ପରକୁ ଛିଡ଼ାଇଥିଲେ ଓ ପରେ ଖାଇଦେଇଥିଲେ | ବଡ କଥା ଯେ ମେଡିକାଲ କର୍ତ୍ତୃପକ୍ଷ କିନ୍ତୁ ଏହି ଘଟଣାକୁ ଅତ୍ୟନ୍ତ ହାଲକାର ସହ ନେଇଛନ୍ତି | ରିମସ ହସ୍ପିଟାଲର ନିର୍ଦ୍ଦେଶକ ଡାକ୍ତର ଡିକେ ସିଂ କହିଛନ୍ତି ଯେ ତାଙ୍କର ସମବେଦନା ଥିଲେ ମଧ୍ୟ ସେ ଏଭଳି ରୋଗୀଙ୍କୁ ସେ ସାହାଯ୍ୟ କରିପାରୁନାହାନ୍ତି | ଏହା ସବୁ ରୋଗୀଙ୍କ ପାଇଁ ଡାକ୍ତରଖାନାରେ ଅବ୍ୟବସ୍ଥା ବ୍ୟାପୁଛି ବୋଲି ସେ କହିଛନ୍ତି |