ଭାରତୀୟଙ୍କ ଫୋନ ନମ୍ବରକୁ ହ୍ୟାକ୍ କରିଛି ଇସ୍ରାଏଲର ଏକ ସଂସ୍ଥା! କେନ୍ଦ୍ରମନ୍ତ୍ରୀ, ବିଚାରପତି ଏବଂ ସାମ୍ବାଦିକଙ୍କ ଫୋନ୍ ହ୍ୟାକ୍
ନୂଆଦିଲ୍ଲୀ: ଭାରତୀୟଙ୍କ ଫୋନ ନମ୍ବରକୁ ହ୍ୟାକ୍ କରିଛି ଇସ୍ରାଏଲର ଏକ ସଂସ୍ଥା । ୨୦୧୯ରେ ଚର୍ଚ୍ଚାରେ ଥିଲା ଇସ୍ରାଏଲର ଏହି ସଂସ୍ଥା ‘ସ୍ପାଏ ଓୟାର ପେଗାସସ୍’। ଏବେ ପୁଣି ୩୦୦ ଭାରତୀୟଙ୍କ ଫୋନ ନମ୍ବରକୁ ହ୍ୟାକ୍ କରି ଚର୍ଚ୍ଚାକୁ ଫେରିଛି ଏହି ଇସ୍ରାଏଲ ସଂସ୍ଥା । ସବୁଠାରୁ ବଡ଼କଥା ହେଉଛି, ମୋଦୀ ସରକାରଙ୍କ ଦୁଇ ମନ୍ତ୍ରୀ, ସୁପ୍ରିମକୋର୍ଟର ଜଣେ ବିଚାରପତି, ବିରୋଧୀ ଦଳର ୩ ଜଣ ନେତା ଏବଂ ୪୦ରୁ ଅଧିକ ସାମ୍ବାଦିକଙ୍କ ଫୋନ ନମ୍ବରକୁ ହ୍ୟାକ୍ କରିବାରେ ସମର୍ଥ ହୋଇଛି ଏହି ସଂସ୍ଥା।
Sambad is now on WhatsApp
Join and get latest news updates delivered to you via WhatsApp
ତେବେ ଭାରତର କେଉଁ ଏଜେନ୍ସି ପକ୍ଷରୁ ଇସ୍ରାଏଲ ସଂସ୍ଥା ଏଭଳି ଫୋନ ହ୍ୟାକ୍ କରିଛି, ତାହା ଜଣାପଡ଼ିନାହିଁ । ସେପଟେ କେନ୍ଦ୍ର ସରକାର ଏହି ଘଟଣାରେ ସଂପୃକ୍ତ ଥିବା ଅଭିଯୋଗକୁ ଅସ୍ୱୀକାର କରିଛନ୍ତି । ଭାରତୀୟଙ୍କ ଫୋନ କଲ, ମେସେଜ ଓ ହ୍ୱାଟ୍ସଆପ ମେସେଜ ଆଦି ଗୋପନୀୟ ତଥ୍ୟ ସ୍ପାଏୱେର ପେଗାସସ୍ ସଂସ୍ଥାର ଡାଟାବେସରେ ରହିଛି । ତେବେ ପେଗାସସକୁ ମାଧ୍ୟମ କରି କୌଣସି ଭାରତୀୟ ସଂସ୍ଥା ଏଭଳି ଗୁଇନ୍ଦାଗିରି କରିଥାଇପାରେ ବୋଲି ସନ୍ଦେହ କରାଯାଉଛି ।