ଇଟାନଗର: ବୁଧବାର ଦିନ ଇଟାନଗରରେ ଅନୁଷ୍ଠିତ ଏକ ସଭାରେ ସର୍ବସମ୍ମତି କ୍ରମେ ଅରୁଣାଚଳ ପ୍ରଦେଶର ମୁଖ୍ୟମନ୍ତ୍ରୀ ଭାବରେ ଶପଥ ଗ୍ରହଣ କରିଛନ୍ତି ବିଜେପି ନେତା ପେମା ଖଣ୍ଡୁ।
![Sambad Whatsapp](https://cdn-icons-png.flaticon.com/512/2504/2504957.png)
Sambad is now on WhatsApp
Join and get latest news updates delivered to you via WhatsApp
କେନ୍ଦ୍ର ଗୃହମନ୍ତ୍ରୀ ଅମିତ ଶାହା, ବିଜେପି ସଭାପତି ଜେ.ପି ନଡ୍ଡା ଏବଂ ଅନ୍ୟାନ୍ୟ ବରିଷ୍ଠ ନେତାଙ୍କ ଉପସ୍ଥିତିରେ ରାଜ୍ୟପାଳ କେ.ଟି ପାର୍ନିକଙ୍କ ଦ୍ୱାରା ଶପଥ ଗ୍ରହଣ କରିଛନ୍ତି ପେମା।
ଖଣ୍ଡୁଙ୍କ ଶପଥ ଗ୍ରହଣର କିଛି ସମୟ ପରେ ଚୋୱନା ରାଜ୍ୟର ଉପ ମୁଖ୍ୟମନ୍ତ୍ରୀ ଭାବରେ ଶପଥ ଗ୍ରହଣ କରିଛନ୍ତି। ଖଣ୍ଡୁଙ୍କ ସହ ଅନ୍ୟ ୧୧ ଜଣ ବିଧାୟକ ମଧ୍ୟ ମନ୍ତ୍ରୀ ଭାବରେ ଶପଥ ଗ୍ରହଣ କରିଛନ୍ତି। ଏହି ଶପଥ ଗ୍ରହଣ ସମାରୋହ ଡୋରଜୀ ଖଣ୍ଡୁ ସମ୍ମିଳନୀ ହଲରେ ଅନୁଷ୍ଠିତ ହୋଇଥିଲା। ଅରୁଣାଚଳ ପ୍ରଦେଶରେ ବିଜେପି କ୍ରମାଗତ ତୃତୀୟ ଥର ପାଇଁ ୬୦ ସଦସ୍ୟ ବିଶିଷ୍ଟ ବିଧାନସଭାରେ ୪୬ ଟି ଆସନ ଜିତି ପୁଣି ଥରେ କ୍ଷମତାକୁ ଫେରିଛି।
ଅରୁଣାଚଳ ପ୍ରଦେଶର ବର୍ତ୍ତମାନର ମୁଖ୍ୟମନ୍ତ୍ରୀ ପେମା ଖଣ୍ଡୁ ଅରୁଣାଚଳ ପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ଡୋରଜୀ ଖଣ୍ଡୁଙ୍କ ପୁଅ। ପେମା ଖଣ୍ଡୁ ପ୍ରଥମ ଥର ପାଇଁ ଜୁଲାଇ ୨୦୧୬ରେ କଂଗ୍ରେସରେ ଥିବାବେଳେ ମୁଖ୍ୟମନ୍ତ୍ରୀ ହୋଇଥିଲେ। ମୁଖ୍ୟମନ୍ତ୍ରୀ ହେବା ପରେ ସେ ସେପ୍ଟେମ୍ବରରେ ଅରୁଣାଚଳର ପିପୁଲ୍ସ ପାର୍ଟିରେ ଯୋଗ ଦେଇଥିଲେ। ତେବେ ସେ ଡିସେମ୍ବର ୨୦୧୬ରେ ବିଜେପିରେ ଯୋଗ ଦେଇଥିଲେ। ଭାଜପା ନେତୃତ୍ୱାଧିନ ମୁଖ୍ୟମନ୍ତ୍ରୀ ପେମା ଖଣ୍ଡୁ ପୁଣି ଥରେ ସରକାର ଗଢିବାକୁ ଯାଉଛନ୍ତି। ଏହା ତାଙ୍କର ତୃତୀୟ ପାଳି।