ମୁମ୍ବାଇ: ଇଣ୍ଟରନେଟରେ ଦୈନିକ କିଛିନା କିଛି ଭିଡିଓ ଭାଇରାଲ ହେଉଛି । ବେଳେ ବେଳେ ଏମିତି ଭିଡିଓ ସାମ୍ନାକୁ ଆସେ ଯାହା ବେଶ୍ ହୃଦୟସ୍ପର୍ଶୀ ହୋଇଥାଏ । ସେହିପରି ଏକ ଭିଡିଓ ଏବେ ଭାଇରାଲ ହେଉଛି ଯେଉଁଥିରେ କିଛି ଯୁବକ ପାହାଡ଼ ଉପରୁ ଏକ ଗାଈକୁ ବଞ୍ଚାଇବା ପାଇଁ ନିଜ ଜୀବନକୁ ବାଜି ଲଗାଇ ଦେଉଛନ୍ତି । ଏଥିରେ ଥିବା ପ୍ରତିଟି ବିପଦକୁ ଆପଣ ଦେଖିବା ପରେ ଅନୁଭବ କରିପାରିବେ। ଭାଇରାଲ ଭିଡିଓରେ ଉଦ୍ଧାରକାରୀ ଯୁବକମାନେ ଏକ ଲାଇନରେ ଠିଆ ହୋଇ ଏକ ଲମ୍ବା ଦଉଡିକୁ ଟାଣିବାର ନଜର ଆସୁଛନ୍ତି । ସେଥିମଧ୍ୟରୁ ଜଣେ ଗାଈର ଅବସ୍ଥା ଦେଖାଇବା ପାଇଁ ଲଗାତାର ତଳକୁ ଚାହିଁଥିବାର ଦେଖାଯାଉଛି । ଭିଡିଓଟିକୁ ରେଡ୍ଡିଟ୍ ରେ ସେୟାର କରାଯାଇଛି । ଘାସ ଖାଇବା କିମ୍ବା ବୁଲିବା ସମୟରେ ଗାଈଟି ପାହାଡରୁ ଖସି ପଡିଥାଇପାରେ । ଭିଡିଓ ପୋଷ୍ଟ କରିଥିବା ରେଡ୍ଡିଟ୍ ୟୁଜର୍ ବ୍ରାଉନବୋସ୍ପିକ୍ସ କହିଛନ୍ତି ଯେ ଏହା ମହାରାଷ୍ଟ୍ରର ପାନଭେଲରେ କଏଦ ହୋଇଛି। ଭିଡିଓରେ ଲୋକମାନେ ଗାଈକୁ ପାହାଡ ଉପରକୁ ଟାଣିବାକୁ ଚେଷ୍ଟା କରୁଛନ୍ତି। ସେ ଗାଈଟିକୁ ଟାଣିବାବେଳେ ଈଶ୍ବରଙ୍କୁ ଡାକୁଥିବା ଶୁଣିବାକୁ ମିଳୁଛି ।

Advertisment

ଶେଷରେ ସେମାନେ ସେମାନଙ୍କ ମିଶନରେ ସଫଳ ହୋଇଛନ୍ତି ଏବଂ ଭିଡିଓ ଶେଷରେ ଗାଈର ଗୋଟିଏ ଗୋଡ ଦଉଡିରେ ବନ୍ଧା ହୋଇଥିବାର ଦେଖିବାକୁ ମିଳୁଛି । ସୋମବାର ସେୟାର ହେବା ପରଠାରୁ ଏହି ପୋଷ୍ଟଟି ୧୬୦୦୦ରୁ ଅଧିକ ଲାଇକ୍ ଏବଂ ରେଡ୍ଡିଟ୍ ଉପରେ ଅନେକ ମନ୍ତବ୍ୟ ପୋଷ୍ଟ କରିଛନ୍ତି । ଜଣେ ଉପଭୋକ୍ତା ଲେଖିଛନ୍ତି, ‘କି ସୁନ୍ଦର ସ୍ଥାନ’ । ଇଣ୍ଟରନେଟରେ ପଶୁ ଉଦ୍ଧାରର ଅନେକ ଭିଡିଓ ଅଛି | ନିକଟରେ ଏକ କୂଅ ଭିତରୁ ଏକ ଚିତାବାଘ ଉଦ୍ଧାର କରାଯାଇଥିଲା ଏବଂ ଏହାକୁ ବାହାର କରିବା ମାତ୍ରେ ସେ ଚାଲିଗଲା | ଏହି ଭିଡିଓକୁ ଭାରତୀୟ ବନ ସେବା (ଆଇଏଫଏସ) ଅଧିକାରୀ ସୁଶାନ୍ତ ନନ୍ଦା ଗତ ମାସରେ ଟ୍ୱିଟରରେ ସେୟାର କରିଥିଲେ। କ୍ୟାପସନରେ ସେ ଲେଖିଛନ୍ତି ଯେ ଯଦି ପଶୁଙ୍କ ବାସସ୍ଥାନ ଚାରିପାଖରେ ଥିବା କୂଅ ବନ୍ଦ କରାଯାଏ ତେବେ ଏପରି ଘଟଣା ଏଡ଼ାଯାଇ ପାରିବ । ଚିତାବାଘକୁ ବଞ୍ଚାଇବାର ପୁରୁଣା କୌଶଳକୁ "ମୋହେଞ୍ଜୋଦାରୋ ହରପା ଟେକ୍ନିକ୍" ବୋଲି କହିଥିଲେ ।