ବ୍ରିଟେନ୍ରେ ଘର ବାହାରୁ ଉଭାନ ହେଉଥିଲା ଅଳିଆ ଡ଼ବା, ପୁଲିସ ତଦନ୍ତ କରିବା ପରେ ସାମ୍ନାକୁ ଆସିଲା ଅଜବ କାରଣ
ନୂଆଦିଲ୍ଲୀ : ବ୍ରିଟେନରେ କିଛି ଦିନ ତଳେ ଘର ବାହାରୁ ଅଳିଆ ଡ଼ବା ଉଭାନ ହୋଇଯିବାର ଖବର ମିଳିଥିଲା । ଅଳିଆ ଡ଼ବାକୁ କିଏ କାହିଁକି ନେବ ବୋଲି ଭାବି ଲୋକେ ପ୍ରଥମେ ସେତେଟା ଧ୍ୟାନ ଦେଇ ନଥିବା ବେଳେ ବାରମ୍ବାର ଏପରି ହେବାରୁ ଲୋକମାନେ ପୁଲିସକୁ ସୂଚନା ଦେଇଥିଲେ । ତଦନ୍ତ ପରେ ଯେଉଁ କଥା ସାମ୍ନାକୁ ଆସିଥିଲା ତାହା ସମସ୍ତଙ୍କୁ ଆଶ୍ଚର୍ଯ୍ୟ କରି ଦେଇଥିଲା । ବ୍ରିଟେନରେ ନିଶାଗ୍ରସ୍ତ ଯୁବକମାନେ ଅଳିଆ ଡ଼ବାକୁ ନେଇ ଜାଳିବା ସହ ସେଥିରୁ ବାହାରୁ ଥିବା ଧୂଆଁକୁ ଆଘ୍ରାଣ କରୁଥିବା କଥା ପୁଲିସ ଜାଣିବାକୁ ପାଇଥିଲା ।
Sambad is now on WhatsApp
Join and get latest news updates delivered to you via WhatsApp
କିଛି ଲୋକଙ୍କର ଅଳିଆ ଡ଼ବା ଜାଳିବା ପରେ ସେଥିରୁ ବାହାରୁଥିବା ଧୂଆଁ ଆଘ୍ରାଣ କରିବାକୁ ପସନ୍ଦ ଥିବାରୁ ସେମାନେ ସହରର ଯେ କୌଣସି ସ୍ଥାନରେ ଅଳିଆ ଡ଼ବା ଦେଖିଲେ, ସେଥିରେ ନିଆଁ ଲଗାଇ ଦେଉଥିବା ପୁଲିସ ଜାଣିବାକୁ ପାଇଥିଲା । ଏହା ନିଶା କରୁଥିବା ଯୁବକଙ୍କ ପାଇଁ କ୍ଷତିକାରକ ହେବା ସହ ଆଖପାଖରେ ଥିବା ଲୋକମାନଙ୍କ ପାଇଁ ମଧ୍ୟ କ୍ଷତିକାରକ ବୋଲି ପୁଲିସ ଜଣାଇଛି । କାରଣ ପ୍ଲାଷ୍ଟିକରୁ ବାହାରୁଥିବା ଧୂଆଁ ଅଧିକ ବିଷାକ୍ତ ହୋଇଥାଏ । ଯାହା ଖୁବ୍ କମ ସମୟ ମଧ୍ୟରେ ମଣିଷ ଶରୀରରେ ରୋଗ ସୃଷ୍ଟି କରି ଦେଇଥାଏ। ପ୍ରକୃତ କାରଣ ସାମ୍ନାକୁ ଆସିବା ପରେ ଏବେ ପୁଲିସ ଲୋକମାନଙ୍କୁ ବିନା କାରଣରେ ଅଳିଆ ଡ଼ବାକୁ ବାହାରେ ଛାଡ଼ିବା ପାଇଁ ମନା କରିଥିବା ଜଣାପଡ଼ିଛି ।