ହରଦୋଇ: ୟୁପି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ମଙ୍ଗଳବାର ଦିନ ହରଦୋଇରେ ପହଞ୍ଚିଛନ୍ତି।  ଏକ ସାଧାରଣ ସଭାକୁ ସମ୍ବୋଧିତ କରିବା ସମୟରେ ସେ ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ ସରକାରଙ୍କୁ ଟାର୍ଗେଟ କରିଛନ୍ତି। ପଶ୍ଚିମବଙ୍ଗ ହିଂସା ସମ୍ପର୍କରେ ଯୋଗୀ କହିଛନ୍ତି ଯେ, ଗୋଇଠା ଖାଇବା ଲୋକେ କଥା ଶୁଣନ୍ତି ନାହିଁ। ପଶ୍ଚିମବଙ୍ଗ ଜଳୁଛି ଏବଂ ସେଠାକାର ମୁଖ୍ୟମନ୍ତ୍ରୀ ନୀରବ ଅଛନ୍ତି।

Advertisment

ମମତା ହିଂସାକାଣ୍ଡ କରୁଥିବା ଲୋକଙ୍କୁ ସମ୍ପୂର୍ଣ୍ଣ ସ୍ୱାଧୀନତା ଦେଇଛନ୍ତି। ଏଭଳି ଲୋକଙ୍କ ପାଇଁ ଏକମାତ୍ର ଉପଚାର ହେଉଛି ଠେଙ୍ଗା। ସେମାନେ ଠେଙ୍ଗା ମାଡ଼ ବିନା ଶୁଣିବେ ନାହିଁ। 

ଯୋଗୀ କହିଛନ୍ତି ମମତା ହିଂସାକାଣ୍ଡ କରୁଥିବା ଲୋକଙ୍କୁ ଶାନ୍ତିଦୂତ ବୋଲି କହୁଛନ୍ତି।  ଗତ ଗୋଟିଏ ସପ୍ତାହ ଧରି ମୁର୍ଶିଦାବାଦ ଜଳୁଛି। ସରକାର ନୀରବ ରହିଛନ୍ତି। ଏହି ପ୍ରକାରର ଅରାଜକତାକୁ ଦମନ କରିବାକୁ ପଡିବ।

ହିଂସା କରୁଥିବା ଲୋକଙ୍କୁ ଟାର୍ଗେଟ କରି ଆଦିତ୍ୟନାଥ କହିଛନ୍ତି, ସେମାନେ ଗୋଟିଏ ପରେ ଗୋଟିଏ ଧମକ ଦେଉଛନ୍ତି ଏବଂ ବାଂଲାଦେଶରେ ଘଟିଥିବା ଘଟଣାକୁ ସମର୍ଥନ କରୁଛନ୍ତି। ଯଦି ସେମାନେ ବାଂଲାଦେଶକୁ ପସନ୍ଦ କରୁଛନ୍ତି, ତେବେ ସେମାନେ ବାଂଲାଦେଶ ଚାଲିଯିବା ଉଚିତ୍। ତୁମେ ଭାରତୀୟ ମାଟିରେ ବୋଝ ଭଳି ରହିଛି କାହିଁକି ବୋଲି ସେ ପ୍ରଶ୍ନ କରିଛନ୍ତି।

ମଙ୍ଗଳବାର ପଶ୍ଚିମବଙ୍ଗର ମୁର୍ଶିଦାବାଦ ଜିଲ୍ଲାର ହିଂସାକାଣ୍ଡ ପ୍ରଭାବିତ ଅଞ୍ଚଳରେ ଜୀବନ ସ୍ୱାଭାବିକ ହେବାରେ ଲାଗିଛି ବୋଲି ଅଧିକାରୀମାନେ ଦାବି କରିଛନ୍ତି। ସେମାନେ କହିଛନ୍ତି ଯେ, ହିଂସାର ନୂତନ ଘଟଣା ରୋକିବା ପାଇଁ ସୁରକ୍ଷା ବାହିନୀ କଡ଼ା ନଜର ରଖିଛି।

ଅଧିକ ପଢ଼ନ୍ତୁ: ମୋ ବାପା ସମ୍ପୂର୍ଣ୍ଣ ସୁସ୍ଥ, ୨୦୧୦ ଅପେକ୍ଷା ଅଧିକ ବହୁମତରେ ଜିତିବୁ: ନୀତିଶଙ୍କ ପୁଅ ନିଶାନ୍ତଙ୍କ ଦାବି

ମୁଖ୍ୟମନ୍ତ୍ରୀ ଯୋଗୀ ପଶ୍ଚିମବଙ୍ଗ କୋର୍ଟଙ୍କ ପ୍ରତି କୃତଜ୍ଞତା ପ୍ରକାଶ କରିଛନ୍ତି। ସେ କହିଛନ୍ତି, ମୁଁ ସେଠାକାର କୋର୍ଟକୁ ଧନ୍ୟବାଦ ଦେବାକୁ ଚାହୁଁଛି କାରଣ ସେମାନେ ସେଠାରେ କେନ୍ଦ୍ରୀୟ ବାହିନୀ ନିୟୋଜିତ କରି ସଂଖ୍ୟାଲଘୁ ହିନ୍ଦୁଙ୍କ ସୁରକ୍ଷା ସୁନିଶ୍ଚିତ କରିବା ପାଇଁ ପଦକ୍ଷେପ ନେଇଛନ୍ତି। ମଙ୍ଗଳବାର ସେଠାରେ କେନ୍ଦ୍ରୀୟ ବାହିନୀ ନିୟୋଜିତ ହୋଇଛନ୍ତି।

ସୂଚନାଯୋଗ୍ୟ, ଶୁକ୍ରବାର ଏବଂ ଶନିବାର ଦିନ, ପଶ୍ଚିମବଙ୍ଗର ମୁର୍ଶିଦାବାଦର ସୁତି, ଧୂଲିଆନ୍ ଏବଂ ଜାଙ୍ଗିପୁର ସମେତ ଅନେକ ଅଞ୍ଚଳରେ ନୂତନ ୱାକଫ୍ ଆଇନକୁ ନେଇ ହିଂସାତ୍ମକ ପ୍ରତିବାଦ ହୋଇଥିଲା। ପୁଲିସ କହିଛି ଯେ, ପ୍ରତିବାଦ  ସଂଘର୍ଷରେ ପରିଣତ ହୋଇଥିଲା। ଯେଉଁଥିରେ ଅତି କମରେ ତିନି ଜଣଙ୍କର ମୃତ୍ୟୁ ହୋଇଥିଲା ଏବଂ ଅନେକ ଆହତ ହୋଇଥିଲେ।

ଅଧିକ ପଢ଼ନ୍ତୁ: ଡିଏନଏ ପରୀକ୍ଷା ବିଷୟରେ କହୁଛନ୍ତି ଯୋଗୀ: ଆପଣ ବୈଜ୍ଞାନିକ ନା ଡାକ୍ତର, ଅଖିଳେଶଙ୍କ ପ୍ରଶ୍ନ

West Bengal | Waqf Bill