ନୂଆଦିଲ୍ଲୀ: ବିଶ୍ବାସଯୋଗୀ ପ୍ରାଣୀ କହିଲେ ପ୍ରଥମେ କୁକୁରର ନାମ ସାମ୍ନାକୁ ଆସିଥାଏ। ସୋସିଆଲ ମିଡି‌ଆରେ କୁକୁର ଓ ମାଲିକଙ୍କ ମଧ୍ୟରେ ଥିବା ନିବିଡ଼ ସମ୍ପର୍କର ଅନେକ ଭିଡିଓ ସାମ୍ନାକୁ ଆସିଛି। କେତେବେଳେ କୁକୁର ନିଜ ଜୀବନକୁ ବିପଦରେ ପକାଇ ମାଲିକଙ୍କ ଜୀବନ ରକ୍ଷା କଲାଣି ତ ଆଉ କେତେବେଳେ ମାଲିକବି କୁକୁରକୁ ବଞ୍ଚାଇବାକୁ ଜୀବନକୁ ବାଜି ଲଗାଇ ଦେଇଥାଆନ୍ତି। ଠିକ ଏମିତି ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି। ଯେଉଁଥିରେ ଦେଖିବାକୁ ମିଳୁଛି କୁକୁରର ଉପସ୍ଥିତ ବୁଦ୍ଧି ହେତୁ ପରିବାରର ସମସ୍ତଙ୍କ ଜୀବନ ରକ୍ଷା ପାଇ ଯାଇଛି।

Advertisment

ଏକ ସିସିଟିଭି ଫଟେଜକୁ ସଚ କଡ଼ୱା ହେ ନାମକ ପେଜରେ ସେୟାର କରାଯାଇଛି। ଏଥିରେ ଦେଖିବାକୁ ମିଳୁଛି ଏକ କୁକୁର ଘରର ଖଟ ଉପରେ ବସିଛି। ପାଖରେ ଏକ ଇଲେକ୍ଟ୍ରି ସ୍କୁଟର ଚାର୍ଜ ହେଉଛି। ହଠାତ ଦେଖିବାକୁ ମିଳୁଛି ଉକ୍ତ ଇଲେକ୍ଟ୍ରି ସ୍କୁଟର ପାଖରେ ଥିବା ଏକ ଉପକରଣରେ ନିଆଁ ଲାଗି ଯାଉଛି। ଏହି ନିଆଁକୁ ଦେଖି କୁକୁର ଉକ୍ତ ସ୍ଥାନକୁ ଧାଇଁ ଯାଇ ଏକ୍ସଟେନସନ ବୋଡରୁ ନିଆଁ ଲାଗିଥିବା ଉପକରଣକୁ ବାହାର କରି ଦେଉଛି। ଏହାପରେ ନିଆଁ ଲିଭି ଯାଉଛି।

କୁକୁରର ଏଭଳି ଉପସ୍ଥିତ ବୁଦ୍ଧି ହେତୁ ଏକ ବଡ଼ଧରଣର ଅଘଟଣ ଟଳି ଯିବା ସହିତ ପରିବାର ସଦସ୍ୟଙ୍କ ଜୀବନ ବି ବଞ୍ଚି ଯାଇଛି। ଭିଡିଓରେ ଲୋକେ କୁକୁରର ଏଭଳି କାମକୁ ଦେଖି ଭୁରିଭୁରି ପ୍ରଶଂସା କରୁଛନ୍ତି।