୨ ଟଙ୍କା ଲେଖାଏଁ କମିଲା ପେଟ୍ରୋଲ, ଡିଜେଲ, ମାର୍ଚ୍ଚ ୧୫ରୁ ଲାଗୁ ହେବ
ନୂଆଦିଲ୍ଲୀ: ସାରା ଦେଶରେ ପେଟ୍ରୋଲ ଓ ଡିଜେଲ ଦର ୨ ଟଙ୍କା ଲେଖାଏଁ ହ୍ରାସ ପାଇଛି । ନୂଆ ଦର ମାର୍ଚ୍ଚ ୧୫ ସକାଳ ୬ଟାରୁ ଲାଗୁ ହେବ। ପେଟ୍ରୋଲ ଏବଂ ଡିଜେଲ ଦର ହ୍ରାସ ଦ୍ୱାରା ସାଧାରଣ ଲୋକ ଉପକୃତ ହେବେ । ଏହା ସହିତ ଦେଶରେ ଚାଲୁଥିବା ୫୮ ଲକ୍ଷରୁ ଅଧିକ ଡିଜେଲ ଚାଳିତ ଭାରୀ ମାଲବାହୀ ଯାନ, ୬ କୋଟି କାର୍ ଏବଂ ୨୭ କୋଟି ଦୁଇ ଚକିଆ ଯାନର ପରିଚାଳନା ଖର୍ଚ୍ଚ ହ୍ରାସ ପାଇବ ।
Sambad is now on WhatsApp
Join and get latest news updates delivered to you via WhatsApp
ତେବେ ଦେଶରେ ଲମ୍ବା ସମୟ ଧରି ତେଲଦର ହ୍ରାସ ପାଇନଥିବାବେଳେ ଏହି ଦରହ୍ରାସ ଲୋକମାନଙ୍କୁ କେତେ ଖୁସି କରିବ ତାହା ଦେଖିବା କଥା । କାରଣ ଅନ୍ତର୍ଜାତୀୟ ବଜାରରେ ଅଶୋଧିତ ତେଲଦର ହ୍ରାସ ସତ୍ତ୍ବେ ଦେଶରେ ପେଟ୍ରୋଲ ଓ ଡିଜେଲ ଦର ହ୍ରାସ କରାଯାଉନଥିଲା । ଏହା ଯୋଗୁଁ ସାଧାରଣ ଲୋକଙ୍କ ମଧ୍ୟରେ ଅସନ୍ତୋଷ ଦେଖାଦେଇଥିଲା ।
ଗତ ସପ୍ତାହରେ ରାଷ୍ଟ୍ରାୟତ୍ତ ତେଲ ବିପଣନ କମ୍ପାନିମାନେ ରନ୍ଧନ ଗ୍ୟାସ ସିଲିଣ୍ଡର ପିଛା ୧୦୦ ଟଙ୍କା ହ୍ରାସ କରିଥିଲେ । ଏହା ସହିତ ଉଜ୍ଜଳା ହିତାଧିକାରୀଙ୍କ ପାଇଁ ଅତିରିକ୍ତ ୨୦୦ ଟଙ୍କା ହ୍ରାସ କରାଯାଇଥିଲା ।