ବଢିଲା ଅଶୋଧିତ ତୈଳ ଦର: ପେଟ୍ରୋଲ ୮୦ଟଙ୍କା ଟପିଲା , ଡିଜେଲ ଦର ପାଖାପାଖି ୭୦
ନୂଆଦିଲ୍ଲୀ: ଅଶେଧିତ ତେଲର ଦର ବ୍ୟାରେଲ ପିଛା ୭୦ ଡଲାରରୁ ଅଧିକ ହେବାରୁ ପେଟ୍ରୋଲ ଓ ଡିଜେଲ ଦର ଆକାଶ ଛୁଆଁ ହୋଇଛି । ୨୧ମାର୍ଚ ପରେ ପେଟ୍ରୋଲ ଦର ବଢିବାରେ ଲାଗିଛି । ଫଳରେ ପେଟ୍ରୋଲ ଲିଟର ପିଛା ୭୦ ପଇସା ଓ ଡିଜେଲ ଲିଟର ପିଛା ୯୭ ପଇସା ବଢିଛି । ମୁୁମ୍ବାଇରେ ପେଟ୍ରୋଲ ଦର ୮୦ ଟଙ୍କା ଥିବା ବେଳେ ଡିଜେଲ ଦର ୭୦ ଟଙ୍କା ପାଖାପାଖି ପହଞ୍ଚିଲାଣି । ୨୧ ମାର୍ଚରେ ପେଟ୍ରୋଲ ଦର ୨୪ ପଇସା ବଢିଥିଲା ଯାହା ଆଜି ପଯ୍ୟର୍ନ୍ତ ବଡିଥିବା ଦରଠାରୁ ସବୁଠୁ ଅଧିକ।
Sambad is now on WhatsApp
Join and get latest news updates delivered to you via WhatsApp
ମେଟ୍ରୋସିଟିରେ ପେଟ୍ରୋଲ ଓ ଡିଜେଲ ଦର
‘ଇଣ୍ଡିଆନ ଅଏଲ’ର େଓ୍ଵବସାଇଟରେ ଦିଆଯାଇଥିବା ସୂଚନା ଅନୁସାରେ ଦେଶର ୪ଟି ମେଟ୍ରୋସିଟିରେ ପେଟ୍ରୋଲ ଦର ୮୦ ଟଙ୍କା ଅତିକ୍ରମ କରିଛି । ଦିଲ୍ଲୀରେ ୭୨.୯୦ ଟଙ୍କା, କୋଲକାତାରେ ୭୫.୬୩ଟଙ୍କା, ମୁମ୍ବାଇରେ ୮୦.୭୭ଟଙ୍କା ଥିବା ବେଲେ ଚେନ୍ନାଇରେ ୭୫.୬୧ ଟଙ୍କା ଅଛି । ସେହିପରି ଡିଜେଲ ଦର ଦିଲ୍ଲୀରେ ୬୩.୭୭ ଟଙ୍କା, କୋଳକତାରେ ୬୬.୪୬ ଟଙ୍କା, ମୁମ୍ବାଇରେ ୬୭.୯୧ ଟଙ୍କା ଓ ଚେନ୍ନାଇରେ ୬୭.୨୫ ଟଙ୍କା ଅଛି ।