କର୍ଣ୍ଣାଟକ, କେରଳ ଏବଂ ବିହାରର ପ୍ରାୟ ୨୫ଟି ସ୍ଥାନରେ ଥିବା ପିଏଫଆଇ ଠିକଣାରେ ଏନଆଇଏ ଚଢଉ
ନୂଆଦିଲ୍ଲୀ : ପପୁଲାର ଫ୍ରଣ୍ଟ ଅଫ୍ ଇଣ୍ଡିଆ (ପିଏଫଆଇ) ଫୁଲୱାରିଶରିଫ ମାମଲାରେ ଜାତୀୟ ତଦନ୍ତକାରୀ ଏଜେନ୍ସି (ଏନଆଇଏ) ବୁଧବାର କର୍ଣ୍ଣାଟକ, କେରଳ ଏବଂ ବିହାରର ପ୍ରାୟ ୨୫ଟି ସ୍ଥାନରେ ଚଢ଼ାଉ କରିଛି । ହିଂସାତ୍ମକ ଓ ବେଆଇନ କାର୍ଯ୍ୟକଳାପରେ ପିଏଫଆଇ ଏବଂ ଏହାର ନେତା ଓ କ୍ୟାଡରଙ୍କ ସମ୍ପୃକ୍ତି ଅଭିଯୋଗରେ ଏହି ଚଢଉ କରାଯାଉଛି । ରାଷ୍ଟ୍ରବିରୋଧୀ କାର୍ଯ୍ୟପାଇଁ ସେମାନେ ପାଟନାର ଫୁଲୱାରୀଶରିଫ ଅଞ୍ଚଳରେ ଯେଉଁ ସନ୍ଦିଗ୍ଧଙ୍କ ଘରେ ଏକାଠି ହୋଇଥିଲେ ସେଠାରେ ଏବେ ବି ଚଢ଼ାଉ ଜାରି ରହିଛି।
Sambad is now on WhatsApp
Join and get latest news updates delivered to you via WhatsApp
ଏହି ମାମଲାରେ ଏନଆଇଏ ଏପର୍ଯ୍ୟନ୍ତ କୌଣସି ଆନୁଷ୍ଠାନିକ ବୟାନ ଦେଇନାହିଁ । ଚଢ଼ାଉ ବେଳେ କିଛି ଆପତ୍ତିଜନକ କାଗଜପତ୍ର ମିଳିଥିବା ସୂଚନା ମିଳିଛି । ଏନଆଇଏ ପାଣ୍ଠି ଯୋଗାଣ ଦିଗରୁ ତଦନ୍ତ କରୁଛି । କର୍ଣ୍ଣାଟକର ଦକ୍ଷିଣ କନ୍ନଡ ଅଞ୍ଚଳରେ ବି ଚଢ଼ାଉ ଜାରି ରହିଛି ।
ଗତବର୍ଷ ଜୁଲାଇ ୧୨ ତାରିଖରେ ବିହାରର ପାଟନା ଜିଲ୍ଲାର ଫୁଲୱାରିଶରିଫ ଥାନାରେ ରୁଜୁ ହୋଇଥିବା ଏହି ମାମଲାରେ ୬ ଜଣଙ୍କୁ ଗିରଫ କରାଯିବା ସହ ପିଏଫଆଇ ସହ ଜଡ଼ିତ ଅନେକ ଆପତ୍ତିଜନକ ସାମଗ୍ରୀ ଓ କାଗଜପତ୍ର ଜବତ କରାଯାଇଥିଲା। ଚଳିତ ବର୍ଷ ଫେବ୍ରୁଆରି ୪-୫ତାରିଖରେ ଏନ୍ଆଇଏ ବିହାରର ମୋତିହାରୀର ୮ଟି ସ୍ଥାନରେ ଚଢ଼ାଉ କରି ହତ୍ୟାକାଣ୍ଡ ଘଟାଇବା ପାଇଁ ଅସ୍ତ୍ରଶସ୍ତ୍ର ଓ ଗୋଳାବାରୁଦ ବ୍ୟବସ୍ଥା କରିଥିବା ଦୁଇ ଜଣଙ୍କୁ ଗିରଫ କରିଥିଲା।