ତାଲିବାନ ସମର୍ଥନରେ ବାହାରିଲା କେରଳର ପିଏଫଆଇ

କୋଚି : 20 ବର୍ଷ ପରେ ପୁଣି ଥରେ ଆଫଗାନିସ୍ତାନକୁ ତାଲିବାନ ଦଖଲ କରିନେବା ପରେ ସେଠାକାର ଲୋକେ ପ୍ରାଣ ବିକଳରେ ବିଦେଶକୁ ପଳାଇଯ଼ାଉଥିବାବେଳେ ଭାରତରେ କେତେକ ଗୋଷ୍ଠୀ ତାଲିବାନ ସମର୍ଥନରେ ବାହାରିଛନ୍ତି । କେରଳର ବିବାଦୀୟ ପପୁଲାର ଫ୍ରଣ୍ଟ ଅଫ ଇଣ୍ଡିଆ (ପିଏଫଆଇ) ପକ୍ଷରୁ ଆଫଗାନିସ୍ତାନରେ ତାଲିବାନର ଆମେରିକା ବିରୋଧୀ ସଂଘର୍ଷକୁ ପ୍ରସଂଶା କରାଯ଼ାଇଛି ।

ଏହି ଘଟଣା ଭିଏତନାମ ଓ ବଲିଭିଆରେ ଆମେରିକା ସେନା ପରାଜୟର ସମ୍ମୁଖୀନ ହୋଇ ଫେରିବା ସହ ସମାନ ବୋଲି ପିଏଫଆଇର ନେତା ତଥା ପିଏଫଆଇର ଜାତୀୟ କାର୍ଯ଼୍ୟକାରୀ ପରିଷଦର ସଦସ୍ୟ ପରପୁରାଥୁ କୋୟା କହିଛନ୍ତି ।

ପିଏଫଆଇର ଅନଲାଇନ ମୁଖପତ୍ରରେ ଏକ ସମ୍ପାଦକୀୟରେ ସେ ଲେଖିଛନ୍ତି ଯ଼େ ପାଶ୍ଚାତ୍ୟ ଗଣମାଧ୍ୟମ ଯ଼େପରି ତାଲିବାନକୁ ଚିତ୍ରିତ କରୁଛି, ବାସ୍ତବତା ତାହା ନୁହେଁ । ତାଲିବାନକୁ ପାକ ପ୍ରଭାବରୁ ମୁକ୍ତ କରିବାକୁ ହେଲେ ଭାରତକୁ ତାଲିବାନ ସହ କୂଟନୈତିକ ସମ୍ପର୍କ ରଖିବାକୁ ହେବ ।

ସେ ଲେଖିଛନ୍ତି ଯେ, ଆଫଗାନିସ୍ତାନରେ ଆମେରିକା ସେନା ଦମନଲୀଳା ଚଳାଇଥିଲା । ଆମେରିକା ଦ୍ବାରା ନିଯ଼ୁକ୍ତ ଅସରଫ ଗନି ଦୁର୍ନୀତିରେ ଲିପ୍ତ ଥିଲେ । ଏହା ତାଲିବାନର ଅଭିଯ଼ାନକୁ ସହଜ କରିଦେଇଥିଲା ।

କିଛି ଦିନ ତଳେ ତାଲିବାନ ସମର୍ଥନରେ ସୋସିଆଲ ମିଡିଆରେ ଲେଖାଲେଖି ଆସାମରେ 14 ଜଣ ଗିରଫ ହୋଇଥିଲେ ।