ମାଗଣାରେ ମିଳି ନ ପାରେ ଫାଇଜର, ମଡର୍ଣ୍ଣା ଆଦି ବିଦେଶୀ ଟିକା
ନୂଆଦିଲ୍ଲୀ : ଭାରତରେ କରୋନା ଟିକାର ଅଭାବ ଦେଖାଦେଇଥିବାବେଳେ ସରକାର ଆସନ୍ତା ଡିସେମ୍ବର ସୁଦ୍ଧା ଅଧିକାଂଶ ଭାରତୀୟଙ୍କୁ ମାଗଣା ଟିକା ଦେବାକୁ ଲକ୍ଷ୍ୟ ରଖିଛନ୍ତି । ବିଦେଶରୁ ଟିକା ଆମଦାନୀ କରି ସରକାର ଏହି ଅଭାବ ଭରଣା କରିବାକୁ ଉଦ୍ୟମ କରୁଛନ୍ତି । ଏଥିପାଇଁ ବହୁରାଷ୍ଟ୍ରୀୟ ଟିକା କମ୍ପାନି ଫାଇଜର, ମଡର୍ଣ୍ଣା, ଜନସନ ଆଦି କମ୍ପାନିମାନଙ୍କ ସହ ଆଲୋଚନା ଚାଲିଛି ।
ତେବେ ବିଦେଶରୁ ଆମଦାନୀ ହୋଇଥିବା ଟିକା ମାଗଣା ଟିକାକରଣରେ ସାମିଲ ନ ହେବାର ସମ୍ଭାବନା ରହିଛି ବୋଲି ଇକୋନୋମିକ ଟାଇମ୍ସରେ ପ୍ରକାଶିତ ଏକ ରିପୋର୍ଟରୁ ଜଣାପଡ଼ିଛି । କାରଣ ଏସବୁ ଟିକାର ମୂଲ୍ୟ ଅଧିକ ହୋଇଥିବାରୁ ସେଗୁଡ଼ିକୁ ଆମଦାନୀ କରି ମାଗଣା ଟିକାକରଣ କଲେ ସରକାରଙ୍କ ବ୍ୟୟଭାର ଅତ୍ୟଧିକ ବୃଦ୍ଧି ପାଇବ । ତେବେ ଏସବୁ ଟିକା ଆମଦାନୀ କରି ସରକାର ଦେଶରେ ଟିକା ଉପଲବ୍ଧତା ବଢାଇବାକୁ ଚାହୁଁଛନ୍ତି, ଯ଼େପରିକି ଯ଼େଉଁମାନେ ଚାହିଁବେ ନିଜସ୍ବ ଖର୍ଚ୍ଚରେ ଏସବୁ ଟିକା ନେଇପାରିବେ ।
Sambad is now on WhatsApp
Join and get latest news updates delivered to you via WhatsApp
ଗତ ଏପ୍ରିଲ ମାସରେ ଭାରତରେ କରୋନାର ଦ୍ବିତୀୟ ଲହର ଆସିବା ପରେ ସରକାର ବିଦେଶୀ ଟିକା କମ୍ପାନିମାନଙ୍କୁ ଆମନ୍ତ୍ରଣ କରିଥିଲେ ।