ଭାରତକୁ ଆସିପାରେ ଫାଇଜର ଟିକା, ସରକାରଙ୍କ ସହ ଆଲୋଚନା ଚଳାଇଛି କମ୍ପାନି
ନୂଆଦିଲ୍ଲୀ : ଆମେରିକାର ଫାଇଜର କମ୍ପାନି ଦ୍ବାରା ପ୍ରସ୍ତୁତ ବାୟୋଏନକେଟ୍ ଟିକାକୁ ଜରୁରୀକାଳୀନ ଅନୁମତି ପାଇଁ ଉଦ୍ୟମ ଆରମ୍ଭ ହୋଇଛି । ନିଜ ଟିକାର ତ୍ବରିତ ଅନୁମତି ପାଇଁ ଫାଇଜର କମ୍ପାନି ପକ୍ଷରୁ ଭାରତ ସରକାରଙ୍କ ନିକଟରେ ଆବେଦନ କରାଯାଇଛି । ଏ ସମ୍ପର୍କରେ କମ୍ପାନିର ସିଇଓ ଆଲବର୍ଟ ବୋର୍ଲା ସୋସିଆଲ ମିଡିଆରେ ସୂଚନା ଦେଇଛନ୍ତି । ସେ କହିଛନ୍ତି ଟିକାର ମଂଜୁରୀ ପାଇଁ ତାଙ୍କ କମ୍ପାନି ଭାରତ ସରକାରଙ୍କ ନିକଟରେ କିଛି ମାସ ତଳେ ଆବେଦନ କରିଥିଲେ ବି ଏପର୍ଯ୍ୟନ୍ତ ଅନୁମତି ମିଳିନାହିଁ । କିନ୍ତୁ ଏବେ ଏହି ଟିକାର ତ୍ବରିତ ଅନୁମତି ପାଇଁ ଭାରତ ସରକାରଙ୍କ ସହ ଆଲୋଚନା କରାଯାଉଛି ।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ ଯେ, କରୋନାର ଭୟଙ୍କର ୨ୟ ଲହର ଭାରତକୁ କବଳିତ କରି ରଖିଥିବାବେଳେ ଭାରତରେ ଟିକାର ଚାହିଦା ହଠାତ ବଢିଯାଇଛି । କିନ୍ତୁ ଭାରତରେ ମାତ୍ର ଦୁଇଟି ପ୍ରକାରର ଟିକା ଉପଲବ୍ଧ ଥିବାରୁ ଦେଶରେ ଟିକା ଅଭାବ ଦେଖାଦେଇଛି । ଏହାକୁ ଦୃଷ୍ଟିରେ ରଖି ଭାରତ ସରକାର ଆଉ କେତେକ ବିଦେଶୀ ଟିକାକୁ ଅନୁମତି ଦେବାକୁ ଯୋଜନା କରୁଛନ୍ତି । ନିକଟରେ ସରକାର ଋଷିଆର ସ୍ପୁଟନିକ ଟିକାକୁ ଅନୁମତି ଦେଇଥିଲେ ।