ଜାମିଆ ମିଲିଆ ଇସଲାମିଆ କବରସ୍ତାନରେ ଫଟୋ ସାମ୍ବାଦିକ ଦାନିସ ସିଦ୍ଦିକିଙ୍କୁ କବର ଦିଆଯିବ, ଦିଲ୍ଲୀରେ ପହଞ୍ଚିଲା ମରଶରୀର
ନୂଆଦିଲ୍ଲୀ: ଜୁଲାଇ ୧୬ରେ ଭାରତରେ ରଏଟର୍ସର ମୁଖ୍ୟ ଫଟୋ ସାମ୍ବାଦିକ ଭାବେ କାର୍ଯ୍ୟ କରୁଥିବା ଦାନିସ ସିଦ୍ଦିକି ଆଫଗାନିସ୍ଥାନରେ ମୃତ୍ୟୁବରଣ କରିଥିଲେ । ସେ ଆଫଗାନିସ୍ଥାନର କାନ୍ଦାହାର ପ୍ରଦେଶ ସ୍ଥିତ ସ୍ପିନ ବୋଲଡକ୍ ଜିଲ୍ଲାରେ ଚାଲିଥିବା ତାଲିବାନ ଓ ଆଫଗାନ ସେନାଙ୍କ ସଂଘର୍ଷର କଭରେଜ୍ ପାଇଁ ସେଠାକୁ ଯାଇଥିଲେ । ହେଲେ ତାଲିବାନର ଗୁଳିରେ ତାଙ୍କର ମୃତ୍ୟୁ ହୋଇଥିଲା | ତେବେ ଆଜି ସନ୍ଧ୍ୟାରେ ତାଙ୍କର ମରଶରୀର ଦିଲ୍ଲୀ ବିମାନବନ୍ଦରରେ ପହଞ୍ଚିଛି | ଏବେ ଜାମିଆ ମିଲିଆ ଇସଲାମିଆ କବରସ୍ଥାନରେ ତାଙ୍କୁ କବର ଦିଆଯିବ ବୋଲି ଜଣାପଡ଼ିଛି |
Sambad is now on WhatsApp
Join and get latest news updates delivered to you via WhatsApp
ସବୁଠାରୁ ବଡ଼ କଥା ହେଲା ପ୍ରଥମ ଥର ପାଇଁ ଜାମିଆ ମିଲିଆ ଇସଲାମିଆ କୌଣସି ବାହାର ଲୋକଙ୍କୁ କବର ଦେବା ପାଇଁ ଅନୁମତି ଦେଇଛି | ଜାମିଆ ମିଲିଆ ଇସଲାମିଆ (ଜେଏମଇ) ବିଶ୍ୱବିଦ୍ୟାଳୟ ପକ୍ଷରୁ କୁହାଯାଇଛି ଯେ, ଫଟୋ ସାମ୍ବାଦିକ ଦାନିସ ସିଦ୍ଦିକିଙ୍କ ପରିବାର ଜେଏମଇ କବରସ୍ତାନରେ ତାଙ୍କୁ କବର ଦେବା ପାଇଁ କରିଥିବା ଅନୁରୋଧ ଗ୍ରହଣ କରିଛନ୍ତି କୁଳପତି | ଜେଏମଇ କବରସ୍ତାନ କେବଳ ବିଶ୍ୱବିଦ୍ୟାଳୟର କର୍ମଚାରୀ, ସେମାନଙ୍କ ପତି-ପତ୍ନୀ ଏବଂ ଶିଶୁଙ୍କ ପାଇଁ ଉଦ୍ଦିଷ୍ଟ | କିନ୍ତୁ ପ୍ରଥମ ଥର ପାଇଁ କୁଳପତି ଦାନିସଙ୍କୁ କବର ଦେବାକୁ ଅନୁମତି ଦେଇଛନ୍ତି |