ପ୍ରଧାନମନ୍ତ୍ରୀ କନ୍ୟା ବିବାହ ଯୋଜନା: ଝିଅଙ୍କ ବିବାହ ପାଇଁ ମୋଦୀ ସରକାର ଦେଉଛନ୍ତି ୪୦ ହଜାର ଟଙ୍କା, ଜାଣନ୍ତୁ କେତେ ସତ ?
ନୂଆଦିଲ୍ଲୀ: ସୋସିଆଲ ମିଡିଆରେ ଅନେକ ମିଛ ଖବର ଭାଇରାଲ ହୋଇଥାଏ | ଆଉ ଏହି ଖବରର ସତ୍ୟତା ନ ଜାଣି ଅନେକ ଏହାକୁ ବିଶ୍ୱାସ ମଧ୍ୟ କରିନିଅନ୍ତି | ଠିକ ଏଭଳି ଏକ ଖବର ବାବଦରେ ଏବେ ଜଣାପଡିଛି ଯାହାକି ମିଛ ବୋଲି ଜଣାପଡିଛି | ମିଳିଥିବା ସୂଚନା ମୁତାବକ କିଛି ଦିନ ତଳେ ଏକ ବାର୍ତ୍ତା ଭାଇରାଲ ହେବାରେ ଲାଗିଥିଲା ଯେ ପ୍ରଧାନମନ୍ତ୍ରୀ କନ୍ୟା ବିବାହ ଯୋଜନା ଅଧୀନରେ ମୋଦୀ ସରକାର ଝିଅମାନଙ୍କ ବିବାହ ପାଇଁ ୪୦ ହଜାର ଟଙ୍କା ଦେଉଛନ୍ତି।
ଯିଏ ଏହି ମେସେଜ ଦେଖୁଛନ୍ତି ଓ ସେୟାର କରୁଛନ୍ତି ସେମାନଙ୍କୁ ଏହି ଅର୍ଥରାଶି ମିଳିବ | ଯେଉଁମାନେ ନିଜ ବନ୍ଧୁ ସମ୍ପର୍କୀୟଙ୍କ ପାଖକୁ ଏହି ମେସେଜକୁ ଫରୱାର୍ଡ଼ କରୁଛନ୍ତି ସେମାନଙ୍କ ପରିବାରରେ କେହି ଝିଅ ଥିଲେ ଏହି ଯୋଜନାରେ ୪୦ ହଜାର ଟଙ୍କା ମିଳିବ ବୋଲି କୁହାଯାଇଥିଲା | ବାର୍ତ୍ତାଟି ଭାଇରାଲ ହେବା ପରେ ପ୍ରଶ୍ନ ଉଠିଥିଲା ଯେ, ଏହି ଯୋଜନାଟି କ’ଣ?
दावा: #Youtube पर एक वीडियो में यह दावा किया जा रहा है कि केंद्र सरकार ‘प्रधानमंत्री कन्या विवाह योजना’ के तहत बेटियों को उनके विवाह के लिए ₹40,000 तक की धनराशि दे रही है।#PIBFactCheck: यह दावा फर्जी है। केंद्र सरकार द्वारा ऐसी कोई योजना नहीं चलाई जा रही है। pic.twitter.com/P7gvmDKFJr
— PIB Fact Check (@PIBFactCheck) October 31, 2020
ୟୁଟ୍ୟୁବରେ ଏହି ଭୁଲ ବାର୍ତ୍ତାକୁ ନେଇ ଭିଡିଓ ଭାଇରାଲ ହେବା ପରେ ପ୍ରେସ ଇନଫର୍ମେଶନ ବ୍ୟୁରୋ(ପିଆଇବି) ଏହା ଭିଡିଓର ସତ୍ୟତାକୁ ନେଇ ଯାଞ୍ଚ କରିଥିଲା | ଆଉ ପିଆଇବି ପକ୍ଷରୁ ସ୍ପଷ୍ଟ କରାଯାଇଛି ଯେ ଏହି ଦାବି ସମ୍ପୂର୍ଣ୍ଣ ମିଛ | କେନ୍ଦ୍ର ସରକାର ଏଭଳି କୌଣସି ଯୋଜନା କରିନାହାନ୍ତି |
