୩୦୦୦ଉର୍ଧ୍ୱ ବନ୍ଧୁକ ଓ ପିସ୍ତଲ ରୋଲର ଚଢ଼ାଇ ନଷ୍ଟ କରିବା ସହିତ ଲୁଣ, ସୋଡା ଓ କୋଇଲା ଦେଇ ପୋତିଲା ପୁଲିସ

0

ଭୋପାଳ: କୋର୍ଟଙ୍କ ନିର୍ଦ୍ଦେଶ କ୍ରମେ ମଧ୍ୟପ୍ରଦେଶର ସାଗର ଜିଲ୍ଲାରେ ହଜାର ହଜାର ବନ୍ଧୁକ ଓ ପିସ୍ତଲକୁ ପୁଲିସ ପକ୍ଷରୁ ନଷ୍ଟ କରାଯାଇଛି । ପୁଲିସ ହଜାର ହଜାର ମାରଣାସ୍ତ୍ରକୁ ରାସ୍ତା ଉପରେ ପକାଇ  ରୋଡ ରୋଲର୍ ସାହାଯ୍ୟରେ ନଷ୍ଟ କରି ଦେଇଛି। ଅଦାଲତଙ୍କ ମାଲଖାନାରେ ୧୯୭୫ ମସିହାରୁ ୨୦୧୫ ମସିହା ପର୍ଯ୍ୟନ୍ତ ହତିଆରଗୁଡିକୁ ସଂରକ୍ଷିତ କରି ରଖାଯାଇଥିଲା । ଅପରାଧିକ ମାମଲାରେ ଜବତ ହୋଇଥିବା ହତିଆରଗୁଡିକୁ ଏଠାରେ ଜମା କରାଯାଇଥାଏ । କୋର୍ଟଙ୍କ ନିର୍ଦ୍ଦେଶ ଆସିବା ପରେ ହତିଆରଗୁଡିକୁ ନଷ୍ଟ କରାଯାଇଥାଏ ।

ସୂଚନାଯୋଗ୍ୟ, ବିଭିନ୍ନ ମାମଲାରେ ମାଲଖାନାରେ ରଖାଯାଇଥିବା ୩ ହଜାର ବନ୍ଧୁକ, ପିସ୍ତଲକୁ ପୁଲିସ ଉପସ୍ଥିତିରେ ନଷ୍ଟ କରାଯାଇଥିଲା।  ପରେ ଜେସିବି ମେସିନ୍‌ ସାହାଯ୍ୟରେ ଏକ ଗାତ କରାଯାଇ ସେହି ବନ୍ଧୁକ ଓ ପିସ୍ତଲକୁ ସେଥିରେ ପୋତାଯିବା ସହ ଲୁଣ ,ସୋଡା, କୋଇଲା ପକାଇ ମାଟି ଘୋଡାଇ ଦିଆଯାଇଛି। ତେବେ ପାଖାପାଖି ୧୫ଦିନ ଦିନ ପର୍ଯ୍ୟନ୍ତ ଏହି ଗାତ ଉପରେ ପୁଲିସ ନଜର ରଖିବ।

ଅନ୍ତର୍ଜାତୀୟରୁ ଆରମ୍ଭ କରି ଜାତୀୟ ତଥା ରାଜ୍ୟର ୩୧୪ ବ୍ଲକରେ ଘଟୁଥିବା ପ୍ରତିଟି ଘଟଣା ଉପରେ ସମ୍ବାଦ ଓ କନକ ନ୍ୟୁଜ ଆପଣଙ୍କୁ ଦେଉଛି ୨୪ ଘଂଟିଆ ଅପଡେଟ | କରୋନାର ସଂକଟ ସମୟରେ ଆମେ ଲୋଡୁଛୁ ଆପଣଙ୍କ ସହଯୋଗ । ‘ସମ୍ବାଦ’ ଗ୍ରୁପର ଡିଜିଟାଲ ମିଡିଆକୁ ଆର୍ଥିକ ସମର୍ଥନ ଜଣାଇ ଆଂଚଳିକ ସାମ୍ବାଦିକତାକୁ ଶକ୍ତିଶାଳୀ କରନ୍ତୁ |

ସମ୍ବନ୍ଧିତ ଖବର

Leave A Reply

Your email address will not be published.