ରାସ୍ତାରେ ଯାଉଥିବା ଗାଡ଼ି ମଝିରେ ପଡ଼ିଲା ବିମାନ: ନିଆଁ ପିଣ୍ଡୁଳାରେ ପରିଣତ ହେଲା

ରୋମ୍: ଇଟାଲୀରେ ଏକ ବିମାନ ଦୁର୍ଘଟଣାଗ୍ରସ୍ତ ହୋଇଛି। ଏହାର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ଏହି ଭିଡିଓରେ ଦେଖିବାକୁ ମିଳୁଛି ଯେ, ଏକ ହାଇୱେରେ ଅନେକ ଯାନବାହନ ଚାଲୁଛି। ଅନେକ ବଡ଼ ଯାନ ମଧ୍ୟ ସେହି ରାସ୍ତା ଦେଇ ଯାଉଛି। ଏହି ସମୟରେ ଏକ ଛୋଟ ବିମାନ ଆସି ରାସ୍ତାରେ ପଡୁଛି।

ବିମାନଟି ରାସ୍ତାରେ ପଡ଼ିବା ମାତ୍ରେ ଏହା ପିଣ୍ଡୁଳାରେ ପରିଣତ ହୋଇଯାଉଛି।କୁହାଯାଉଛି ଯେ ବିମାନରେ ଦୁଇଜଣ ଥିଲେ ଏବଂ ଉଭୟଙ୍କ ମୃତ୍ୟୁ ହୋଇଛି।

ଏହି ବିମାନ ଦୁର୍ଘଟଣାରେ ରାସ୍ତାରେ ଯାଉଥିବା ଗାଡ଼ିଗୁଡ଼ିକ ମଧ୍ୟ ଧକ୍କା ଖାଇଛନ୍ତି, ରିପୋର୍ଟ ଅନୁଯାୟୀ ଅନ୍ୟ ଦୁଇଜଣ ଆହତ ହୋଇଛନ୍ତି। ସେମାନଙ୍କୁ ନିକଟସ୍ଥ ହସ୍ପିଟାଲକୁ ନିଆଯାଇଛି, ସେମାନେ ଏବେ ବିପଦମୁକ୍ତ ଅଛନ୍ତି। ତଥାପି, ବିମାନରେ କେତେ ଜଣ ଥିଲେ ତାହା କର୍ତ୍ତୃପକ୍ଷ ଏପର୍ଯ୍ୟନ୍ତ ନିଶ୍ଚିତ କରିନାହାନ୍ତି। ଘଟଣାର ତଦନ୍ତ ଆରମ୍ଭ ହୋଇଛି ଏବଂ ଦୁର୍ଘଟଣାର କାରଣ ଖୋଜାଯାଉଛି।

🚨 BREAKING: Tragedy in Italy — A plane has crashed onto a highway near Brescia, colliding with several vehicles. At least 2 people confirmed dead. pic.twitter.com/iT3JRquCpX

— War Doctrine (@wardoctrine_) July 23, 2025

ଘଟଣା ପରେ ଅଗ୍ନିଶମ ବାହିନୀର କର୍ମଚାରୀମାନେ ଉଦ୍ଧାର କାର୍ଯ୍ୟ ପାଇଁ ଘଟଣାସ୍ଥଳରେ ପହଞ୍ଚିଥିଲେ କିନ୍ତୁ ସେତେବେଳକୁ ସମ୍ପୂର୍ଣ୍ଣ ଭଗ୍ନାବଶେଷ ପୋଡ଼ି ପାଉଁଶ ହୋଇଯାଇଥିଲା। ଆହତମାନଙ୍କୁ ତୁରନ୍ତ ଡାକ୍ତରଖାନାକୁ ପଠାଯାଇଥିଲା। ଅଞ୍ଚଳକୁ ଖାଲି କରାଯାଇଥିଲା ।

ସୂଚନାଯୋଗ୍ୟ, ବାଂଲାଦେଶର ଏକ ସ୍କୁଲ କ୍ୟାମ୍ପସରେ ଏକ ଏଫ-୭ ବିଜିଆଇ ସାମରିକ ବିମାନ ଦୁର୍ଘଟଣାଗ୍ରସ୍ତ ହୋଇଥିଲା। ଏହି ଘଟଣାରେ ୧୭ ଜଣ ପିଲା, ଜଣେ ପାଇଲଟ୍ ଏବଂ ଜଣେ ଶିକ୍ଷକଙ୍କ ସମେତ ୩୧ ଜଣଙ୍କ ମୃତ୍ୟୁ ହୋଇଥିବା ରିପୋର୍ଟ ଆସିଥିଲା। 

ସାମ୍ପ୍ରତିକ ଘଟଣାଗୁଡ଼ିକ ମଧ୍ୟରେ, ସବୁଠାରୁ ଭୟଙ୍କର ଘଟଣା ହେଉଛି ଅହମ୍ମଦାବାଦରେ ଏୟାର ଇଣ୍ଡିଆ ବିମାନ ଦୁର୍ଘଟଣା। ଅହମ୍ମଦାବାଦ ବିମାନବନ୍ଦରରୁ ଉଡ଼ାଣ ଭରିବା ପରେ ତୁରନ୍ତ ବିମାନଟି ଏକ ମେଡିକାଲ କଲେଜ କୋଠାରେ ଧକ୍କା ଖାଇଥିଲା। ଏହି ଘଟଣାରେ ୨୬୦ ଜଣଙ୍କର ମୃତ୍ୟୁ ହୋଇଥିଲା। ଏହି ଘଟଣା ସମଗ୍ର ବିଶ୍ୱକୁ ଥରାଇ ଦେଇଥିଲା।

 plane-crash