ନିୟନ୍ତ୍ରଣ ହରାଇ ଟ୍ରେନ ସହ ଧକ୍କା ହେଲା ବିମାନ
କାଲିଫର୍ଣ୍ଣିଆ: ବିମାନ ଉପରୁ ନିୟନ୍ତ୍ରଣ ହରାଇଲେ ପାଇଲଟ | ଆଉ ବିମାନଟି ଏକ ଟ୍ରେନ ସହ ଧକ୍କା ହୋଇଛି | କଥାଟି ଶୁଣିବାକୁ ଅଜବ ଲାଗୁଥିଲେ ବି ଏକଥା ଏକଦମ ସତ | ରବିବାର ଦିନ କାଲିଫର୍ଣ୍ଣିଆର ଲସଏଞ୍ଜେଲସରେ ଏଭଳି ଏକ ଘଟଣା ଘଟିଛି | ତେବେ ଠିକ ସମୟରେ ପୁଲିସ ପହଞ୍ଚି ଗୁରୁତର ଆହତ ହୋଇଥିବା ପାଇଲଟଙ୍କୁ ଉଦ୍ଧାର କରି ଡାକ୍ତରଖାନାକୁ ପଠାଇଛି |ସ୍ଥାନୀୟ ଗଣମାଧ୍ୟମ ଅନୁଯାୟୀ, ଏକ ଚାର୍ଟର ବିମାନ ଲସଏଞ୍ଜେଲସର ରେଳଧାରଣାରେ ଜରୁରୀକାଳୀନ ଅବତରଣ କରିଥିଲା |
Sambad is now on WhatsApp
Join and get latest news updates delivered to you via WhatsApp
ତେବେ ସ୍ଥାନୀୟ ପୁଲିସ ଏବାବଦରେ ସୂଚନା ପାଇ ତୁରନ୍ତ ସେଠାରେ ପହଞ୍ଚି ପାଇଲଟଙ୍କୁ ଉଦ୍ଧାର କରିଥିଲେ | ପାଇଲଟଙ୍କୁ ଉଦ୍ଧାର କରିବା ମାତ୍ରେ ତୁରନ୍ତ ଏକ ଟ୍ରେନ ଆସି ବିମାନକୁ ଧକ୍କା ଦେଇଥିଲା | ରିପୋର୍ଟ ମୁତାବକ ପାଇଲଟଙ୍କ ମୁଣ୍ଡ ଓ ହାତରେ ଆଘାତ ଲାଗିଛି ଓ ଟ୍ରେନରେ ଯାତ୍ରା କରୁଥିବା କେହି ଯାତ୍ରୀ ଆହତ ହୋଇନାହାନ୍ତି |
Foothill Division Officers displayed heroism and quick action by saving the life of a pilot who made an emergency landing on the railroad tracks at San Fernando Rd. and Osborne St., just before an oncoming train collided with the aircraft. pic.twitter.com/DDxtGGIIMo
— LAPD HQ (@LAPDHQ) January 10, 2022
ତେବେ ଲସଏଞ୍ଜେଲସ ପୁଲିସର ତ୍ୱରିତ କାର୍ଯ୍ୟାନୁଷ୍ଠାନକୁ ସମସ୍ତେ ପ୍ରଶଂସା କରିଛନ୍ତି | ଲସଏଞ୍ଜେଲସ ପୁଲିସ ବିଭାଗ ଏହାର ଅଧିକାରୀମାନଙ୍କୁ ଏକ ଟ୍ୱିଟରେ ପ୍ରଶଂସା କରି କହିଛି ଯେ ଟ୍ରାକରେ ଜରୁରୀକାଳୀନ ଅବତରଣ କରିଥିବା ପାଇଲଟଙ୍କ ଜୀବନ ରକ୍ଷା କରି ସେମାନେ ଖୁବ ଭଲ କାମ କରିଛନ୍ତି |