ବାଙ୍ଗାଲୋରରୁ ଶ୍ରୀନଗର ଗଲା ପ୍ଲାଜମା
ଶ୍ରୀନଗର: କୋଭିଡ -୧୯ ରୋଗୀଙ୍କ ଚିକିତ୍ସା ପାଇଁ ଶ୍ରୀନଗରରେ ଏକ ପ୍ଲାଜମା ଥେରାପି କରାଯାଇଥିଲା। ଏହି ପ୍ଲାଜମା ଥେରାପି ଖବରର ଶିରୋନାମାରେ ରହିଛି କାରଣ ଦେଶରେ ପ୍ରଥମ ଥର ପାଇଁ ଆକାଶପଥ ଦ୍ୱାରା ପ୍ଲାଜମା ପରିବହନ କରାଯାଇଥିଲା | ଏହି ପ୍ଲାଜମାକୁ କର୍ଣ୍ଣାଟକର ବାଙ୍ଗାଲୋରରୁ ଜମ୍ମୁ-କଶ୍ମୀରର ଶ୍ରୀନଗରକୁ ସଂଯୋଗ କରୁଥିବା ଇଣ୍ଡିଗୋ କାର୍ଗୋ ଦ୍ୱାରା ପଠାଯାଇଥିଲା। ଇଣ୍ଡିଗୋ କହିଛି ଯେ ଦେଶରେ ପ୍ରଥମ ଥର ପାଇଁ ଗୋଟିଏ ସ୍ଥାନରୁ ଅନ୍ୟ ସ୍ଥାନକୁ ଏଭଳି ପ୍ଲାଜମା ପରିବହନ କରାଯାଇଛି।
Sambad is now on WhatsApp
Join and get latest news updates delivered to you via WhatsApp
ବିମାନ କମ୍ପାନି କହିଛି ଯେ ଏହି ପ୍ଲାଜମା ପ୍ରଥମେ ବାଙ୍ଗାଲୋରରୁ ଦିଲ୍ଲୀ ୬ଇ୩୬୩ ବିମାନରେ ପଠାଯାଇଥିଲା। ଦିଲ୍ଲୀରୁ ଶ୍ରୀନଗରକୁ ସଂଯୋଗ କରୁଥିବା ବିମାନ ୬ଇ୪୮୬ ମାଧ୍ୟମରେ ଏହି ପ୍ଲାଜମାକୁ ପୁଣି ପଠାଯାଇଥିଲା | ଏହି ପ୍ଲାଜମା ବାଙ୍ଗାଲୋରରୁ ଶ୍ରୀନଗରରେ ପହଞ୍ଚିବାକୁ ୮ ଘଣ୍ଟା ସମୟ ଲାଗିଥିଲା |
କର୍ଣ୍ଣାଟକର ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ବି ଶ୍ରୀରାମୁଲୁ ଇଣ୍ଡିଗୋର ଏହି କାର୍ଯ୍ୟ ପାଇଁ ପ୍ରଶଂସା କରିଛନ୍ତି। ଇଣ୍ଡିଗୋର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ରୋଞ୍ଜୟ ଦତ୍ତା କହିଛନ୍ତି ଯେ ‘କରୋନା ମହାମାରୀ ସମୟରେ ଦେଶ ତଥା ନାଗରିକଙ୍କୁ ସାହାଯ୍ୟ କରିବାକୁ ଆମେ ସର୍ବଦା ପ୍ରସ୍ତୁତ। ଇଣ୍ଡିଗୋର କାର୍ଗୋ ଦଳକୁ ମୁଁ ଅଭିନନ୍ଦନ ଜଣାଉଛି, ଯେଉଁମାନେ ଏହି କାମ ସମ୍ଭବ କରିଥିଲେ। ‘