ରେଳବାଇକୁ ବଡ ଧରଣର କ୍ଷତି, ପ୍ଲାଟଫର୍ମ ଟିକଟ ଆୟ ୯୪ ପ୍ରତିଶତ କମିଲା
ନୂଆଦିଲ୍ଲୀ: କରୋନା ଭାଇରସର ସଂକ୍ରମଣ ହେତୁ ରେଳବାଇକୁ ମଧ୍ୟ ବ୍ୟାପକ କ୍ଷତିର ସାମ୍ନା କରିବାକୁ ପଡିଛି | ଏଭଳି ପରିସ୍ଥିତିରେ, ୨୦୨୦-୨୧ ଆର୍ଥିକ ବର୍ଷରେ ରେଳବାଇ ପ୍ଲାଟଫର୍ମ ଟିକେଟରୁ ଆୟ ଉପରେ ବହୁତ କ୍ଷତି ସହିଛି। ଆରଟିଆଇରୁ ମିଳିଥିବା ସୂଚନା ଅନୁଯାୟୀ, ଗତ ଆର୍ଥିକ ବର୍ଷ ତୁଳନାରେ ଏଥର ପ୍ଲାଟଫର୍ମ ଟିକେଟ୍ ବିକ୍ରିରୁ ପ୍ରାୟ ୯୪ ପ୍ରତିଶତ ରାଜସ୍ୱ ହ୍ରାସ ପାଇଛି। ସୂଚନା ମୁତାବକ ଗତ ଆର୍ଥିକ ବର୍ଷରେ ୨୦୨୦-୨୧ ଫେବୃଆରୀରେ ରେଳବାଇ ପ୍ଲାଟଫର୍ମ ଟିକେଟ୍ ବିକ୍ରୟରୁ ୧୦ କୋଟି ଟଙ୍କା ଆୟ କରିଥିଲା |
Sambad is now on WhatsApp
Join and get latest news updates delivered to you via WhatsApp
୨୦୧୯-୨୦ ଆର୍ଥିକ ବର୍ଷରେ ରେଳବାଇ ପ୍ଲାଟଫର୍ମ ଟିକେଟରୁ ୧୬୦.୮୭ କୋଟି ଟଙ୍କା ଆୟ କରିଥିଲା, ଯାହା ଗତ ୫ ବର୍ଷ ମଧ୍ୟରେ ସର୍ବାଧିକ ଥିଲା। ମାର୍ଚ୍ଚ ୨୦୨୦ରେ ପ୍ରଧାନମନ୍ତ୍ରୀ ଦେଶବ୍ୟାପୀ ଲକଡାଉନ ପୂର୍ବରୁ ମଧ୍ୟ ପ୍ଲାଟଫର୍ମରେ ଭିଡ଼ ହ୍ରାସ କରିବାକୁ ରେଳବାଇ ପଦକ୍ଷେପ ନେଇଥିଲା। ଗତ ବର୍ଷ ଅଧିକାଂଶ ସମୟ ପାଇଁ ଅନେକ ରେଳ ଜୋନରେ ପ୍ରବେଶକୁ ସମ୍ପୂର୍ଣ୍ଣ ବାରଣ କରାଯାଇଥିଲା ଏବଂ କେବଳ ଟିକେଟ୍ କରିଥିବା ବ୍ୟକ୍ତିଙ୍କୁ ଷ୍ଟେସନରେ ପ୍ରବେଶ କରିବାକୁ ଅନୁମତି ଦିଆଯାଇଥିଲା।
ଆଉ ବଢୁଥିବା ସଂକ୍ରମଣକୁ ଦୃଷ୍ଟିରେ ରଖି ଲୋକଙ୍କୁ ଷ୍ଟେସନକୁ ନ ଆସିବା ପାଇଁ ପ୍ଲାଟଫର୍ମ ଟିକେଟ୍ ମୂଲ୍ୟ ୧୦ ରୁ ୩୦ ଟଙ୍କାକୁ ବୃଦ୍ଧି କରାଯାଇଥିଲା। ନିର୍ଦ୍ଦିଷ୍ଟ ଜୋନରେ ପ୍ଲାଟଫର୍ମ ଟିକେଟ୍ ମୂଲ୍ୟ ୫୦ ଟଙ୍କାକୁ ମଧ୍ୟ ବୃଦ୍ଧି କରିବାକୁ ନିଷ୍ପତ୍ତି ନିଆଯାଇଥିଲା। ଆଉ ଏସବୁ ନିଷ୍ପତ୍ତି ଯୋଗୁଁ ରେଳବାଇ ବିପୁଳ କ୍ଷତି ସହିଛି | କାରଣ ୨୦୧୮-୧୯ ରେ କେବଳ ପ୍ଲାଟଫର୍ମ ଟିକଟରୁ ରେଳବାଇ ୧୩୯.୨୦ କୋଟି ଟଙ୍କା ଆୟ କରିଥିଲା | ୨୦୧୯-୨୦ ରେ ଏହା ୧୬୦ କୋଟି ଟଙ୍କା ଛୁଇଁଥିଲା, କିନ୍ତୁ ୨୦୨୦-୨୧ ରେ ଚଳିତ ବର୍ଷ ଫେବୃଆରୀ ସୁଦ୍ଧା ଏହା ୧୦ କୋଟି ଟଙ୍କାକୁ ଖସି ଆସିଛି।