କୋଭିଡ୍ ମାମଲା ବଢ଼ୁଥିବାରୁ ସତର୍କତା ଅବଲମ୍ବନ ସହ ଜିନୋମ୍ ସିକ୍ୱେନ୍ସିଂ ବଢ଼ାଇବାକୁ ପ୍ରଧାନମନ୍ତ୍ରୀ ମୋଦୀଙ୍କ ପରାମର୍ଶ
ନୂଆଦିଲ୍ଲୀ: ଦେଶରେ କୋଭିଡ୍-୧୯ ଓ ଇନ୍ଫ୍ଲୁଏଞ୍ଜା ସଂକ୍ରମଣ ବୃଦ୍ଧି ପାଉଥିବା ବେଳେ ଆଜି ସମସ୍ତ ଗୁରୁତର ଶ୍ୱାସକ୍ରିୟାରେ ପୀଡ଼ିତ (ସିଭିୟର ଆକ୍ୟୁଟ୍ ରେସ୍ପିରେଟୋରି) ରୋଗୀଙ୍କ ଲ୍ୟାବ ସର୍ଭେଲାନ୍ସ, ଜିନୋମ୍ ସିକ୍ୱେନ୍ସିଂ ଏବଂ ଟେଷ୍ଟିଂ ଉପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଗୁରୁତ୍ୱାରୋପ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ସଂପ୍ରତି ଦେଶରେ କୋଭିଡ୍-୧୯ ସଂକ୍ରମଣ ବୃଦ୍ଧି ପାଉଥିବା ବେଳେ ପ୍ରଧାନମନ୍ତ୍ରୀ ମୋଦୀ ବୁଧବାର ସନ୍ଧ୍ୟାରେ ଏକ ଉଚ୍ଚସ୍ତରୀୟ ବୈଠକ କରି ସ୍ଥିତି ଓ ଜନସ୍ୱାସ୍ଥ୍ୟ ପ୍ରସ୍ତୁତିର ସମୀକ୍ଷା କରିଛନ୍ତି। ସ୍ୱାସ୍ଥ୍ୟସେବା ବ୍ୟବସ୍ଥାର ପ୍ରସ୍ତୁତିର ସମୀକ୍ଷା କରିବା ପାଇଁ ଆଜି ସନ୍ଧ୍ୟାରେ ବରିଷ୍ଠ ଅଧିକାରୀଙ୍କ ସହ ଏକ ବୈଠକରେ ପ୍ରଧାନମନ୍ତ୍ରୀ ମୋଦୀ ହସ୍ପିଟାଲରେ ମକ୍ ଡ୍ରିଲ୍ ଏବଂ ସତର୍କତାର ଆବଶ୍ୟକତା ଉପରେ ପରାମର୍ଶ ଦେଇଛନ୍ତି।
ଗତ ୨୪ ଘଣ୍ଟା ମଧ୍ୟରେ ଦେଶରେ ୧,୧୩୪ ନୂଆ କୋରୋନା ମାମଲା ରେକର୍ଡ କରାଯାଇଛି, ଯାହା ଫଳରେ ସକ୍ରିୟ ମାମଲା ୭,୦୨୬କୁ ବୃଦ୍ଧି ପାଇଛି ବୋଲି ଆଜି ସକାଳେ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟ ପକ୍ଷରୁ ମିଳିଥିବା ତଥ୍ୟରୁ ଜଣାପଡିଛି । ୨୦୨୨ ନଭେମ୍ବର ପରଠାରୁ ଏହା ସର୍ବାଧିକ ସଂଖ୍ୟା।
ସ୍ୱାସ୍ଥ୍ୟସେବା ବ୍ୟବସ୍ଥାର ପ୍ରସ୍ତୁତିର ସମୀକ୍ଷା କରିବା ପାଇଁ ସନ୍ଧ୍ୟାରେ ବରିଷ୍ଠ ଅଧିକାରୀଙ୍କ ସହ ଏକ ବୈଠକରେ ପ୍ରଧାନମନ୍ତ୍ରୀ ମୋଦୀ ଡାକ୍ତରଖାନାରେ ମକ୍ ଡ୍ରିଲ୍ ଏବଂ ସତର୍କତାର ଆବଶ୍ୟକତା ଉପରେ ପରାମର୍ଶ ଦେଇଥିଲେ। ଶ୍ୱାସକ୍ରିୟା ପରିଚ୍ଛନ୍ନତା ଏବଂ କୋଭିଡ୍ ଉପଯୁକ୍ତ ଆଚରଣ ବଜାୟ ରଖିବା ଉପରେ ମଧ୍ୟ ସେ ଗୁରୁତ୍ୱାରୋପ କରିଥିଲେ।
ପ୍ରଧାନମନ୍ତ୍ରୀ ଅଧିକାରୀମାନଙ୍କୁ ନିର୍ଦେଶ ଦେଇଛନ୍ତି ଯେ ନିର୍ଦ୍ଧାରିତ ଆଇଏନଏସଏସିଓଜି ଜିନୋମ ସିକ୍ୱେନ୍ସିଂ ଲାବୋରେଟୋରୀ ସହିତ ପଜିଟିଭ୍ ନମୁନାର ସମ୍ପୂର୍ଣ୍ଣ ଜିନୋମ ସିକ୍ୱେନ୍ସିଂ ବୃଦ୍ଧି କରନ୍ତୁ । ଏହା ଦ୍ୱାରା ନୂଆ ଭାରିଏଣ୍ଟ ଟ୍ରାକିଂ ରେ ସହାୟକ ହେବ।
ଟେଷ୍ଟ-ଟ୍ରାକ୍-ଟ୍ରିଟ୍-ଟିକାକରଣ ଏବଂ କୋଭିଡ୍ ଉପଯୁକ୍ତ ବ୍ୟବହାରର ପାଞ୍ଚଗୁଣା ରଣନୀତି ଉପରେ ଗୁରୁତ୍ୱ ଦେବା ଉପରେ ମଧ୍ୟ ପ୍ରଧାନମନ୍ତ୍ରୀ ମୋଦୀ ଗୁରୁତ୍ୱାରୋପ କରିଛନ୍ତି।
ବିଗତ ଦୁଇ ସପ୍ତାହ ମଧ୍ୟରେ ଦେଶରେ କୋଭିଡ୍ ସଂଖ୍ୟା ଧୀରେ ଧୀରେ ବୃଦ୍ଧି ପାଇବା ସହ ଏଚ୍୧ଏନ୍୧ ଏବଂ ଏଚ୍୩ଏନ୍୨ ଭୂତାଣୁ ଜନିତ ଇନ୍ଫ୍ଲୁଏଞ୍ଜା ଦେଖିବାକୁ ମିଳିଛି।