ପୁଲୱାମା ହମଲା: ପ୍ରଧାନମନ୍ତ୍ରୀ ମୋଦୀ କହିଲେ; ସହିଦଙ୍କୁ ନେଇ ରାଜନୀତି କରୁଥିଲେ ବିରୋଧୀ, ମୁଖା ଖୋଲିଦେଲେ ପଡ଼ୋଶୀ
ଅହମ୍ମଦାବାଦ: ରାଷ୍ଟ୍ରୀୟ ଏକତା ଦିବସ ଅବସରରେ ଗୁଜରାଟ ସ୍ଥିତ ଷ୍ଟାଚ୍ୟୁ ଅଫ ୟୁନିଟି ଠାରେ ଆୟୋଜିତ ସମାବେଶକୁ ସମ୍ବୋଧିତ କରି ପ୍ରଧାନମନ୍ତ୍ରୀ ମୋଦୀ ଆଜି ବିରୋଧୀଙ୍କୁ ଟାର୍ଗେଟ କରିଛନ୍ତି। ପୁଲୱାମା ହମଲାକୁ ପ୍ରସଙ୍ଗ କରି ବିରୋଧୀଙ୍କ ଉପରେ ବର୍ଷିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ।
Sambad is now on WhatsApp
Join and get latest news updates delivered to you via WhatsApp
ପୁଲୱାମା ଆତଙ୍କବାଦୀ ହମଲା ପ୍ରସଙ୍ଗରେ କଂଗ୍ରେସର ନାମ ନନେଇ ବିରୋଧୀଙ୍କ ଉପରେ ବଡ ଆକ୍ରମଣ କରିଛନ୍ତି ପ୍ରଧାନମନ୍ତ୍ରୀ। କହିଛନ୍ତି ଆତଙ୍କୀ ହମଲା ପରେ ନେତା କଳା କୌଶଳ ଦେଖାଇ ସରକାରଙ୍କ ଉପରେ ଭିନ୍ନ ଭିନ୍ନ ପ୍ରଶ୍ନବାଣ ଛାଡୁଥିଲେ । ହେଲେ ପଡୋଶୀ ଦେଶରୁ ଯେଉଁ ଖବର ଆସିଲା, ତାହା ସେହି ଦଳଗୁଡିକର ମୁଖା ଖୋଲିଦେଲା ।
ସେହିପରି ସର୍ଦ୍ଦାର ବଲ୍ଲଭ ଭାଇ ପଟେଲଙ୍କ ଉଦାହରଣ ଦେଇ ଦେଶର ରାଜନୈତିକ ଦଳଗୁଡ଼ିକୁ ଜାତୀୟ ସୁରକ୍ଷାକୁ ନେଇ ରାଜନୀତି ନ କରିବାକୁ କହିଛନ୍ତି ପ୍ରଧାନମନ୍ତ୍ରୀ ମୋଦୀ। ଚୀନ ସହ ଲଦ୍ଦାଖ ସୀମାରେ ମୁହାମୁହିଁ ପ୍ରସଙ୍ଗକୁ ନେଇ ଗୁଜରାଟରୁ ଡ୍ରାଗନକୁ କଡା ଚେତାବନୀ ଦେଇଛନ୍ତି ମୋଦୀ । କହିଛନ୍ତି ଭାରତକୁ କେହି ନାଲି ଆଖି ଦେଖାଇ ପାରିବ ନାହିଁ ଆଉ ଯିଏ ଏଇ ଦୁଃସାହାସ କରିବ ତାକୁ ମୁହଁତୋଡ ଜବାବ ଦିଆଯିବ ।
ସେହିପରି ପାକିସ୍ତାନର ନାମ ନନେଇ ଫ୍ରାନ୍ସ କାର୍ଟୁନ ବିବାଦକୁ ନେଇ କଡା ଟିପ୍ପଣୀ କରିଛନ୍ତି ପ୍ରଧାନମନ୍ତ୍ରୀ । ପାକିସ୍ତାନ ସଂସଦରେ ମନ୍ତ୍ରୀ ଫୱାଦ ଚୌଧୁରୀ ପୁଲୱାମା ହମଲା ଇମ୍ରାନ ସରକାରଙ୍କ କାମ ବୋଲି ଗର୍ବର ସହ କହିଥିଲେ । ପଡୋଶୀର ସ୍ୱୀକାରୋକ୍ତି ପରେ ପଟେଲଙ୍କ ଜନ୍ମଜୟନ୍ତୀରେ ବିରୋଧୀଙ୍କ ଉପରେ ବର୍ଷିଛନ୍ତି ପ୍ରଧାନମନ୍ତ୍ରୀ ।