ମାଗଣା ଆଇପିଏଲ ଟିକେଟ ମାଗି ହଟହଟା ହେଲେ ବରିଷ୍ଠ ରେଳ ଅଧିକାରୀ
ନୂଆଦିଲ୍ଲୀ : ଦିଲ୍ଲୀ କ୍ରିକେଟ ଆସୋସିଏସନକୁ ପତ୍ର ଲେଖି ମାଗଣା ଆଇପିଏଲ ପାସ ମାଗୁଥିବା ଜଣେ ଭାରତୀୟ ରେଳ ସେବା ଅଧିକାରୀଙ୍କୁ ହଟହଟା ହେବାକୁ ପଡିଛି । ଟିକେଟ ତ ମିଳିଲା ନାହିଁ, ତାଙ୍କର ଡେପୁଟେସନ ସମୟକୁ ମଧ୍ୟ କାଣ୍ଟଛାଣ୍ଟ କରିଦିଆଯାଇଛି ।
Sambad is now on WhatsApp
Join and get latest news updates delivered to you via WhatsApp
ରେଳ ମନ୍ତ୍ରାଳୟର ଅଧିକାରୀ ତଥା ୧୯୮୭ ବ୍ୟାଚ ଭାରତୀୟ ରେଳ ମେକାନିକାଲ ଇଂଜିନିୟରିଂ ସେବା ଅଧିକାରୀ( ଆଇଆରଏସଏମଇ) ଗୋପାଳ କୃଷ୍ଣ ଗୁପ୍ତାଙ୍କୁ କେନ୍ଦ୍ର ନବୀନ ତଥା ନବୀକରଣଯୋଗ୍ୟ ମନ୍ତ୍ରାଳୟର ଯୁଗ୍ମସଚିବ ଭାବେ ଡେପୁଟେସନରେ ପଠାଯାଇଥିଲା । ଏହି ପଦବୀରେ ଥିବାବେଳେ ସେ ଦିଲ୍ଲୀ କ୍ରିକେଟ ଆସୋସିଏସନର ଅଧ୍ୟକ୍ଷ ରଜତ ଶର୍ମାଙ୍କୁ ମାଗଣା ଆଇପିଏଲ ଟିକେଟ ପ୍ରଦାନ ପାଇଁ ଫୋନରେ କହିଥିଲେ । କିନ୍ତୁ ଟିକେଟ ନ ମିଳିବାରୁ ସେ ରଜତ ଶର୍ମାଙ୍କୁ ଏକ ପତ୍ର ଲେଖି ବିରକ୍ତ ହେବା ସହ ତାଙ୍କ ପଦବୀ ପ୍ରତି ସମ୍ମାନ ଦେଖାଯିବା ଉଚିତ ଥିଲା ବୋଲି କହିଥିଲେ । ଏହି ପତ୍ର ସୋସିଆଲ ମିଡିଆକୁ ଆସିବା ପରେ ପ୍ରଧାନମନ୍ତ୍ରୀଙ୍କ ଅଧ୍ୟକ୍ଷତାରେ ଥିବା ଆପଏଣ୍ଟମେଣ୍ଟସ କମିଟି ଅଫ ଦ କ୍ୟାବିନେଟ ତାଙ୍କର ଡେପୁଟେସନ ପିରିୟଡକୁ କାଣ୍ଟଛାଣ୍ଟ କରି ପୁଣି ରେଳ ବିଭାଗକୁ ପଠାଇଦେଇଛି ।