ଅହମ୍ମଦାବାଦ: ଆଜି ଗୁଜୁରାଟରେ ବଡ଼ ବଡ଼ ପ୍ରକଳ୍ପର ଉଦଘାଟନ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ | ପ୍ରଧାନମନ୍ତ୍ରୀ ପ୍ରଥମେ ଭିଡିଓ କନଫରେନ୍ସିଂ ମାଧ୍ୟମରେ ଗାନ୍ଧିନଗର ରେଳ ଷ୍ଟେସନ ଉପରେ ନୂଆକରି ନିର୍ମାଣ କରାଯାଇଥିବା ୫ଷ୍ଟାର ହୋଟେଲକୁ ଉଦଘାଟନ କରିଛନ୍ତି |
Sambad is now on WhatsApp
Join and get latest news updates delivered to you via WhatsApp
ଏହାପରେ ଭିଡିଓ କନଫରେନ୍ସିଂ ମାଧ୍ୟମରେ ଅହମ୍ମଦାବାଦର ସାଇନ୍ସ ସିଟିରେ ତିନୋଟି ନୂତନ ଆକର୍ଷଣ ପାଲଟିବାକୁ ଯାଉଥିବା ପ୍ରାକୃତିକ ଉଦ୍ୟାନ(ନେଚର ପାର୍କ), ଆକୁଆଟିକ ସେଣ୍ଟର ଏବଂ ରୋବଟିକ ଗ୍ୟାଲେରୀର ଉଦଘାଟନ କରିଛନ୍ତି। ଭର୍ଚୁଆଲ୍ ଇଭେଣ୍ଟ ସମୟରେ ପ୍ରଧାନମନ୍ତ୍ରୀ ମୋଦୀ ଗାନ୍ଧିନଗର-ବାରାଣାସୀ ସାପ୍ତାହିକ ସୁପରଫାଷ୍ଟ ଟ୍ରେନ୍ ଏବଂ ଗାନ୍ଧିନଗର-ବରେଥା ଟ୍ରେନର ଶୁଭାରମ୍ଭ କରିଛନ୍ତି। ଗାନ୍ଧିନଗର-ବାରାଣାସୀ ସୁପରଫାଷ୍ଟ ଏକ୍ସପ୍ରେସ ଟ୍ରେନ ବିଶ୍ୱନାଥକୁ ସୋମନାଥ ସହିତ ସଂଯୋଗ କରିବ |
ଏହି ଅବସରରେ ପ୍ରଧାନମନ୍ତ୍ରୀ କହିଛନ୍ତି ଯେ, ମୁଁ ପ୍ରାୟତଃ ଦିଲ୍ଲୀରୁ ସବୁକିଛି ଉଦଘାଟନ କରିଛି, କିନ୍ତୁ ମୁଁ ମୋ ମନରେ ସେସବୁକୁ ପ୍ରତ୍ୟକ୍ଷ ଆଖିରେ ଦେଖିବାର ଥିବା ଇଚ୍ଛା ପ୍ରକାଶ କରିପାରିବି ନାହିଁ | ଏବେ ଭାରତର ଆଧୁନିକ ସହରୀ ଭିତ୍ତିଭୂମି କେବଳ ଅଳ୍ପ କିଛି ଜଣଙ୍କ ମଧ୍ୟରେ ସୀମିତ ନୁହେଁ | ସମସ୍ତେ ବର୍ତ୍ତମାନ ବିକାଶକୁ ଉପଭୋଗ କରିପାରିବେ | ଏକବିଂଶ ଶତାବ୍ଦୀରେ ଭାରତର ଥିବା ଆବଶ୍ୟକତାକୁ ବିଂଶ ଶତାବ୍ଦୀର ଉପାୟ ଦ୍ୱାରା ପୂରଣ କରାଯାଇପାରିବ ନାହିଁ | ସେଥିପାଇଁ ରେଳବାଇ ଏକ ନୂତନ ସଂସ୍କାର ଆବଶ୍ୟକ କରୁଥିଲା। ଆମେ କେବଳ ସେବା ଭାବରେ ନୁହେଁ ବରଂ ଏକ ସମ୍ପତ୍ତି ଭାବରେ ରେଳବାଇର ବିକାଶ ପାଇଁ କାର୍ଯ୍ୟ କରିଥିଲୁ, ଯାହାର ଫଳାଫଳ ଆଜି ସ୍ପଷ୍ଟ ଭାବରେ ଦେଖାଯାଇପାରେ ବୋଲି କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ |
ସେ ଆହୁରି ମଧ୍ୟ କହିଛନ୍ତି ଯେ, ଆମେ ଟ୍ରେନର ଆଧୁନିକୀକରଣକୁ ବହୁତ ଗମ୍ଭୀରତାର ସହ ନେଇଛୁ। ଗାନ୍ଧିନଗରଠାରୁ ଏହାର ଶୁଭାରମ୍ଭ ହୋଇଛି | ପୂର୍ବରୁ ଟ୍ରେନ, ଦୁର୍ଘଟଣା ପାଇଁ ଜଣାଶୁଣା ଥିଲା, କିନ୍ତୁ ଆଜି ଏହା ବୈଷୟିକ ବିକାଶ ପାଇଁ ଜଣାଶୁଣା | ନୂତନ ଗାନ୍ଧିନଗର ଷ୍ଟେସନ ଭିତ୍ତିଭୂମି କ୍ଷେତ୍ରରେ ପରିବର୍ତ୍ତନକୁ ପ୍ରତିଫଳିତ କରୁଛି | ଏହା ଆଧୁନିକ ଜ୍ଞାନକୌଶଳର ସର୍ବୋତ୍ତମ ଉପଯୋଗର ପ୍ରମାଣ, ଯାହାଫଳରେ ନିଯୁକ୍ତି ସୁଯୋଗ ମଧ୍ୟ ମିଳିବ |