ଲଣ୍ଡନ: ଦୁଇ ଦିନିଆ ବ୍ରିଟେନ୍ ଗସ୍ତରେ ପ୍ରଧାନମନ୍ତ୍ରୀ ମୋଦୀ । ବ୍ରିଟେନ୍ ଗସ୍ତରେ ଥିବା ମୋଦୀ ଲଣ୍ଡନରେ ପହଞ୍ଚିବା ପରେ ତାଙ୍କୁ ଭବ୍ୟ ସ୍ବାଗତ କରାଯାଇଥିଲା । ବିମାନ ବନ୍ଦରରେ ତାଙ୍କୁ ପାଛୋଟି ନେବା ପରେ ସେଠାରେ ଭାରତୀୟ ସମୁଦାୟ ମୋଦୀଙ୍କ ଜୋରଦାର ସ୍ବାଗତ କରିଥିଲେ । ଅପେକ୍ଷାରେ ଥିବା ପ୍ରବାସୀ ଭାରତୀୟମାନେ ମୋଦୀଙ୍କ ଝଲକ ପାଇବା ପରେ ସେମାନଙ୍କ ମୁହଁରେ ହସ ଖେଳିଯାଇଥିଲା ଆଉ ମୋଦୀଙ୍କ ସହ ହାତ ମିଳାଇ ସେମାନେ ଖୁସି ବ୍ୟକ୍ତ କରିଥିଲେ । ପାରମ୍ପରିକ ପୋଷାକ ପିନ୍ଧି କୁନି କୁନି ପିଲାମାନେ ମୋଦୀଙ୍କ ସହ ହାତ ମିଳାଇଥିଲେ । 

Advertisment

ଲଣ୍ଡନରେ ପହଞ୍ଚିବା ପରେ ପ୍ରଧାନମନ୍ତ୍ରୀ ନିଜ ସୋସିଆଲ ମିଡିଆ ଆକାଉଣ୍ଟ ଏକ୍ସରେ ପୋଷ୍ଟ କରି ପ୍ରବାସୀ ଭାରତୀୟଙ୍କ ସ୍ବାଗତକୁ ପ୍ରଶଂସା କରିବା ସହ ଭାରତର ବିକାଶରେ ସେମାନଙ୍କର ଯୋଗଦାନ ବେଶ ହୃଦୟସ୍ପର୍ଶୀ ବୋଲି ସେ ଲେଖିଛନ୍ତି । ତେବେ ପ୍ରଧାନମନ୍ତ୍ରୀ ତାଙ୍କର ଦୁଇ ଦିନିଆ ଗସ୍ତରେ ଦୁଇ ଦେଶ ମଧ୍ୟରେ ଏକ ମୁକ୍ତ ବାଣିଜ୍ୟ ଚୁକ୍ତିନାମା ସ୍ୱାକ୍ଷରିତ କରିବାର ସମ୍ଭାବନା ରହିଛି । ଦେଶର ଦ୍ୱିପାକ୍ଷିକ ସମ୍ପର୍କ ଆହୁରି ମଜବୁତ କରିବ ।