ଛୁଟି କଟାଇବା ପାଇଁ ରାଜୀବ ଗାନ୍ଧୀ ଆଇଏନ୍ଏସ୍ ବିରାଟ ବ୍ୟବହାର କରିବା କଥା କ’ଣ ପାଇଁ କହିଥିଲେ ତାହା ସ୍ପଷ୍ଟ କଲେ ମୋଦୀ
ନୂଆଦିଲ୍ଲୀ : ଏକ ନିର୍ବାଚନୀ ସଭାରେ ଯୋଗ ଦେଇ ଦିବଂଗତ ପ୍ରଧାନମନ୍ତ୍ରୀ ରାଜୀବ ଗାନ୍ଧୀ ଆଇଏନ୍ଏସ୍ ବିରାଟରେ ଛୁଟି କଟାଉଥିଲେ ବୋଲି କହିଥିଲେ ମୋଦୀ । ତାଙ୍କର ଏଭଳି ବୟାନ ଆସିବା ପରେ କଂଗ୍ରେସ ତାଙ୍କୁ ପାଲଟା ଆକ୍ରମଣ କରି ବାୟୁସେନା ବିମାନକୁ ମୋଦୀ ଟ୍ୟାକ୍ସି କରି ସାରିଲେଣି ବୋଲି କହିଥିଲା । ତେବେ ଏତେ ସବୁ ବାଦ ବିବାଦ ମଧ୍ୟରେ ମୋଦୀ ନିଜର ବୟାନକୁ ନେଇ ସ୍ପଷ୍ଟୀକରଣ ଦେଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଇଣ୍ଡିଆନ ଏକ୍ସପ୍ରେସକୁ ସାକ୍ଷାତକାର ଦେଇ, କେବଳ ନିର୍ବାଚନ ସମୟରେ ହିଁ ମୁଁ ବିପକ୍ଷ ଦଳକୁ ନେଇ ବିବାଦୀୟ ବୟାନ ଦେଇଥାଏ । କିନ୍ତୁ ଅନ୍ୟ ସମୟରେ ମୁଁ କେବେ ହେଲେ ମୋ ପକ୍ଷରୁ ଏଭଳି କରେ ନାହିଁ । ଯେତେବେଳେ କୌଣସି ବିପକ୍ଷ ଦଳ ମୋତେ ବା ମୋ ଦଳକୁ କିଛି କହେ, ସେତେବେଳେ ମୁଁ ସେମାନଙ୍କୁ ଜବାବ ଦେଇଥାଏ । କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ଜାଣି ଜାଣି ମୋର ଛବି ଖରାପ କରିବାକୁ ଚେଷ୍ଟା କରିଥିଲେ। ଏକ ସାମ୍ବାଦିକ ସମ୍ମିଳନୀରେ ସେନା ହେଉଛି ମୋଦୀଙ୍କ ବ୍ୟକ୍ତଗତ ସମ୍ପତ୍ତି ବୋଲି କହିଥିଲେ । ଏ କଥା ସମସ୍ତେ ଭୁଲି ଯାଇଥିଲେ ମଧ୍ୟ ମୋ ମନରେ ରହିଥିଲା । ଯାହା ପାଇଁ ମୁଁ ରାଜୀବ ଗାନ୍ଧୀ ଆଇଏନ୍ଏସ୍ ବିରାଟକୁ ଛୁଟି କଟାଇବା ପାଇଁ ବ୍ୟବହାର କରୁଥିବା କଥା ଉଠାଇଥିଲି ବୋଲି କହିଛନ୍ତି ମୋଦୀ ।