ତାଲାବନ୍ଦ ବେଳେ କ’ଣ କରୁଛନ୍ତି ପ୍ରଧାନମନ୍ତ୍ରୀ ମୋଦୀ ? ଯୋଗର ଥ୍ରୀ-ଡି ଭିଡିଓ ସେୟାର କରି କହିଲେ, ମୋ ଭଳି ଆପଣ ବି କରନ୍ତୁ ଯୋଗ
ନୂଆଦିଲ୍ଲୀ: ଦେଶରେ ବଢ଼ିଚାଲିଛି କରୋନା ସଂକଟ । ଏହାର ମୁକାବିଲା ପାଇଁ ଦେଶବ୍ୟାପି ଲାଗୁ ହୋଇଛି ଲକଡାଉନ୍ । ଆଉ ଏହାରି ଭିତରେ ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ତାଙ୍କ ଟୁଇଟରରେ କିଛି ଥ୍ରୀଡି ଭିଡିଓ ଅପଲୋଡ୍ କରିଛନ୍ତି । ଯେଉଁଥିରେ ସେ ଭିନ୍ନ ଭିନ୍ନ ଯୋଗାସନ କରୁଛନ୍ତି । ପ୍ରଧାନମନ୍ତ୍ରୀ ମୋଦୀ ଟୁଇଟ କରି ଲେଖିଛନ୍ତି, ଗତକାଲି ମନ୍ କି ବାତ ସମୟରେ କେହି ଜଣେ ତାଙ୍କ ଫିଟନେସର ରୁଟିନ କାର୍ଯ୍ୟକ୍ରମ ସମ୍ପର୍କରେ ପ୍ରଶ୍ନ କରିଥିଲେ । ଏହା ପରେ ଏହି ଯୋଗ ଭିଡିଓ ସେୟାର କରିବାର ବିଚାର ତାଙ୍କ ମନକୁ ଆସିଥିଲା । ଏଥିସହ ସେ ଲେଖିଛନ୍ତି, ମୁଁ ଆଶା କରୁଛି ଆପଣମାନେ ସମସ୍ତେ ନିୟମିତ ଏହିଭଳି ଯୋଗ କରିବେ।
Sambad is now on WhatsApp
Join and get latest news updates delivered to you via WhatsApp
During yesterday’s #MannKiBaat, someone asked me about my fitness routine during this time. Hence, thought of sharing these Yoga videos. I hope you also begin practising Yoga regularly. https://t.co/Ptzxb7R8dN
— Narendra Modi (@narendramodi) March 30, 2020
ଦୀର୍ଘ ଦିନ ହେଲା ଯୋଗ କରିବା ପ୍ରଧାନମନ୍ତ୍ରୀ .ମୋଦୀଙ୍କ ଜୀବନର ଏକ ଅଂଶ ପାଲଟି ଯାଇଛି । ଯେଉଁଥିରେ ତାଙ୍କୁ ଲାଭ ବି ମିଳିଛି । ତେଣୁ ଆପଣମାନେ ଫିଟ ରହିବା ପାଇଁ ଏହି ସବୁ ଉପାୟ ଆପଣାଇଥିବେ ବୋଲି .ସେ ଆଶା ପ୍ରକଟ କରିଛନ୍ତି । ଅପଲୋଡ ହୋଇଥିବା ଭିଡିଓଗୁଡିକ ବିଭିନ୍ନ ଭାଷାରେ ରହିଛି । ଯେଉଁ ଭିଡିଓ ଅପଲୋଡ ହୋଇଛି ସେଗୁଡିକ ଆନିମେଟେଡ ଭିଡିଓ । ଏହି ଭିଡିଓରେ ମୋଦୀ ଥ୍ରୀଡି ଅବତାରରେ ଭିନ୍ନ ଭିନ୍ନ ଯୋଗାସନ କରୁଛନ୍ତି ।